"Bakit ang dami mong dalang gamit? Mabuhat mo ba lahat yan, paakyat sa bundok?" agad na pagsita ni Aziah kay Haenna. Punong-puno na nga ang backpack niya, may sling bag pa siya at may hawak na paper bag.
"Diba magtatagal tayo doon ng limang araw? Alangan naman na hindi ako magbihis 'no?" pa irap na sagot niya.
"P'wede namang maglaba ng damit doon, para may maisuot ka ulit sa susunod na araw. Sinabi na nga sa atin na huwag magdala ng marami, para hindi tayo mahirapan sa pagbuhat. Malayo ang lalakarin natin, aakyat pa tayo sa bundok, hanggang marating ang kampo ng ORBIT sa Mount Makiling." saad naman ni Jhona.
"Ibalik mo na ang iba, bago ka makita ng nagbabantay sa 'tin." mahinang sambit ni Aziah. Pinandilatan din niya ito na tila nagbabanta.
Agad naman akong tumango kay Haenna, nang
