Naalimpungatan ako dahil sa lamig na nararamdaman. Madilim ang paligid at tila may naririnig akong humahampas na kung ano sa bintana. Saka ko naalalang nakatulog pala ako pagkatapos ng huling pag-uusap namin ni Blake.
And speaking of him, napakapa ako bigla sa tabi ko. Tingin ko ay gabi na hindi ko lang sigurado kung anong oras dahil madilim at hindi ko makita ang orasan sa dingding. Wala akong nakapa sa tabi ko kaya ibig sabihin ay hindi pa nahihiga si Blake. Kahit na nilalamig ay pinili kong bumaba sa kama upang buksan ang ilaw. Nakadalawang pindot ako sa switch ngunit hindi nagliwanag ang paligid.
Brown out.
Pakapa-kapa akong naglakad patungo sa pinto. Nang mabuksan ko ito ay hindi na ganoon kadilim dahil ang bintana sa nagsisilbing sala rito sa itaas ay bukas. Napakalakas pala ng ha
