Unti-unti kong iminulat ang aking mga mata. Bumungad sa akin ang puting kisame at pakiramdam ko ay medyo okay na rin ako.
"Pangalagaan lang po natin si misis. Hindi naman maselan ang pagbubuntis niya pero mukhang mahina ang katawan ni misis na maaaring makaapekto sa bata."
Napalingon ako sa nagsalitang iyon. Nakita ko si Blake kausap ang isang babaeng nakaputi. If I'm not mistaken, doktora ang kaharap ni Blake. So nasa isang ospital siguro ako. Naalala ko ang nangyari kanina. Kinabahan din ako tungkol sa aking ipinagbubuntis.
"Puwede mo ng iuwi si misis once na magising na siya," dinig kong sabi muli ng doktora. Hindi pa sila lumilingon sa akin kaya hindi pa nila alam na gising na ako.
"Thank you, doc," nakangiti namang sabi ni Blake. Akala mo talaga'y concern na concern sa akin samant
