Kahit si Monique ay nagtataka na rin kung bakit nandu'n si Romnick at naglalakad palapit sa kanila habang si Sandy naman ay nanatiling walang emosyon sa mukha habang nakatingin sa dating nobyo.
Napahinto si Romnick nang nasa harapan na nila ito.
"Anong ginagawa mo rito?" tanong ni Sandy dito.
"Bakit? Bawal ba kitang dalawin?"
Napalingon si Sandy sa kanyang asawa nang bigla itong napatawa ng pagak.
"Kaya ba, nasabi mong kaya mong mabuhay kahit na maghiwalay tayo dahil okay na kayong dalawa?" may bahid ng selos na baling ni Michael sa kanyang asawa.
"Kaya pala ang lakas ng loob mong sabihin ang lahat ng mga sinabi mo dahil kayo na ulit ng Romnick na 'yan!" galit na galit niyang saad habang nakaduro ang kanyang hintuturo sa lalaking pinag-uusapan nila.
"Bakit?" mabilis na singit ni Rom
