Narrator’s Point of View
Umalingawngaw ang isang napakalakas na hiyaw mula sa bibig ng dungeon guide nang malakas na tumama ang latigo sa kanyang likod. Ramdam na ramdam niya ang hapdi at sakit mula sa mga galos at sugat na natamo niya mula rito. Gustong-gusto na niyang salagin ang bawat hagupit ng latigo ngunit may mas importanteng bagay siyang kailangang unahin, at iyon ay ang pagalingin si Leo at ang mga pinsalang natamo nito.
“Magpahinga ka na muna, baby girl,” sambit ng babaeng nagngangalang Olga bago niya naramdaman ang muling paghatak nito sa buhok niya, dahilan para mapangiwi siya. “Ikaw naman ang manood sa laro ni Taro at ng kasama mo,” dagdag nito bago pilit na iniharap ang dungeon guide sa diresksyon kung nasaan si Leo at ang kasama nitong god candidate.
“Taro, oras na para m
