Narrator’s Point of View
Napatingin sa paligid si Amara dahil mukhang pamilyar ang lugar na bumungad sa kanya pagkamulat na pagkamulat ng kanyang mga mata. At nang makita niya ang bonfire na nasa paanan lang niya ay nakumpirma niyang nasa loob siya ng isang kweba—isang pamilyar na kweba na kailanman hinding-hindi niya malilimutan. At iyon ay ang kweba sa Hidra kung saan siya nanatili ng ilang araw kasama sina Leo at Clastine.
Agad siyang bumangon at hinanap ang dalawa. Pero hindi niya ito makita. Maging kahit mga bakas man lang na makapagtuturo sa kinaroroonan ng mga ito ay wala. Pero kahit na ganoon ay nagpatuloy pa rin siya sa paglalakad, hanggang sa maramdaman niyang tila may nagmamasid sa kanya.
Hindi niya iyon pinansin. Nagpatuloy lang siya sa paghahanap sa mga kasamahan niya. P
