Leo’s Point of View
“Huwag kang umiwas!” singhal sa akin ni Faunn nang iwasan ko ang malakas na suntok ni Yukino.
Matalim akong napatitig sa nature spirit dahil sa sinabi niya. Papaano niya nasasabi ang ganoong bagay? Anong hindi umiwas, eh sobrang lakas ng mga pinapakawalang suntok at sipa ni Yukino. Ramdam na ramdam ko maging ang hanging iniiwan ng bawat atakeng ginagawa niya. At sa lakas pa lang ng hangin na ‘yon ay sigurado na akong hindi ako tatablahin nito. Paniguradong durog talaga ako.
Ibinaling kong muli ang tingin ko kay Yukino. Seryoso lamang ito habang nakatitig sa akin. Pero nakikita ko ang pagkaway ng kanyang mala-lobong buntot na tila ba’y nag-e-enjoy ito sa ginagawa namin. Parang kuminang din ang kanyang pulang mga mata habang pinagmamasdan ako.
“Y-Yukino, pwede ban
