Leo’s Point of View
Nagising ako dahil sa hindi ko maintindihang ingay sa aking paligid. Pero nakapagtataka na alam kong nagsasalita ang mga ito, ‘yon nga lang ay hindi ko maintindihan ang mga sinasabi nila. Nang subukan kong imulat ang aking mga mata ay agad akong napapikit nang masilaw ako dahil sa tingkad ng liwanag sa paligid.
Mariin akong pumikit bago muling nagmulat ng mata. Unti-unti ay nakapag-adjust ang paningin ko sa paligid. Ang unang bumungad sa akin ay ang engrandeng kisame na tila hinalikan at niyakap ng ginto. May mga pattern na nakaukit dito na hindi ko mawari kung ano.
Sinubukan kong lumingon ngunit hindi ako makagalaw. Maging ang mga kamay at paa ko ay tila nakatali. Nang babangon na sana ako ay laking pagtataka ko nang tila napakabigat ng aking katawan.
Sinubukan k
