"Gusto mong lumipat tayo ng restaurant?" Tanong ni Nicole sa kanya nang makita nito kung saan nakadako ang kanyang mga mata.
Hindi niya inakala na makikita niya sa restaurant na ito si Ava na may kasamang lalake. Kahit nakatalikod ang lalake sa kanya nakilala pa rin niya ito nang mag side view ito. Si Philex Martinez ang kasama ni Ava sa loob ng restaurant.
Pina background check na niya si Philex at alam niyang hindi ito ang lalake para kay Ava. Alam niyang babaero at mayabang si Philex. Wala itong tinatanggiang babae, mapa bata man o matanda. Sagad sa laman ang pagkababaero nito. Masasabi niyang kawawa si Ava kung ipapakasal ito kay Philex, paniguradong magdudusa lang ito sa piling ni Philex at mukhang iyon ang magiging karma ng Daddy ni Ava.
"No, hindi na kailangan pa," tugon niya ka
