"Tamara!"
Pagkatapos niyang mahawakan ang anak ay napahagulhol siya ng iyak. Sari saring emosyon ang lumukob sa kanya.Pagka miss dito at ang sakit na makita si Thiago na may asawa na at magkaka anak na din sa iba.
" Grabe ate, parang limang taon na hindi nagkita ah."
Komento ni Marinel na parang gusto siyang tawanan. Pero inignora na lang niya ito. Mas niyakap niya ang anak at hinalik halikan.
" Miss na miss ka ni, Mama, baby."
Sabi niya dito na nakatingin sa kanya. Marahil kinikilala siya nito. Tanging sa video chat kasi sila nagkikita. At hindi niya inaasahan ang pag iyak nito habang nakatingin sa kanya.
" Ikaw kasi. Akina nga si Mara."
Inagaw ni Marinel si Mara sa kanyang mga bisig.
" Kung maka iyak ka kasi akala mo, na agawan ng asawa. Wala kang asawa ate, ipina aalala ko lang
