PAGGISING ni Oz ay isang mensahe ang agad niyang napansin sa kanyang cellphone. Sabado noon at magkikita dapat sila ni Fiona para bisitahin ang location site ng gagawin nilang proyekto. Naka-leave si Fiona noong Biyernes dahil ilang Sabado na rin silang pumapasok sa trabaho at kailangan niya raw mag-recharge kasama ang mga kaibigan.
I can’t go with you today. Call me when you wake up.
“Hello?” bungad niya nang matapos ang apat na ring ay sumagot din si Fiona.
“Oz, hindi ako makakasama today. Nasa ospital kami ngayon.” Her voice sounded distraught at mukhang malat na rin ito marahil sa puyat.
“What?! Why?! Saang ospital?” Napabalikwas siya ng bangon at kumuha ng damit na isusuot para mapuntahan kaagad si Fiona.
“Naaksidente ang isa naming kaibigan, si Jackie.
