Ipinakita sa kanila ni Nisha ang mga naggagandahang paintings na gawa nito na itinago pa sa isang bahagi ng silid nito. "Hindi ko ma-display because of my parents," napapangiwing sabi ni Nisha habang pinagmamasdan ang mga sariling gawa. Hayun na naman ang naaawang pakiramdam ni Hera para sa dalaga, tila ang hirap ng sitwasyon nito dahil hindi nito magawa ang gusto dahil sa mga magulang.
"Sayang naman kung hindi mo i-d-display ang mga 'yan, ang gaganda pa naman," sabi naman ni Lexie na kagaya niya ay tila nanghihinayang.
Binalingan sila ni Nisha at nagkibilit balikat na lamang ito. "Hayaan niyo na, someday maipagmamalaki ko rin ang mga 'yan," anito na tila pinapalakas na lamang ang loob. "Tara kainin muna natin ang inihandang meryenda, " aya nito at nagpatiuna ng maglakad patun
