PRINSESA PRIYA
Matapos naming magsanay ay tumuloy naman kami sa batis. Matagal na rin simula nang puntahan namin ito ng magkasama. Dito talaga kami tumutuloy pagkatapos ng palihim naming pagsasanay upang makainom sa bukal na nasa gilid ng talon. Upang makainom na rin ang mga kabayo naming dalawa.
“Hanga talaga ako sa’yo mahal na prinsesa. Napakagaling mong pumana at gumamit ng patalim. Pati na rin sa espada ay gumagaling ka na.” Puri niya sa akin nang matapos na kaming uminom sa bukal.
“Salamat, pero kung ikukumpara sa kakayahan niyo ni Bakru. Kulang pa rin yun. Kung totoo ngang mas magaling si Ama sa kanya. Kailangang kong malampasan yun Amir. Alam mo naman na bata pa lamang tayo sinasabi ko na sa’yo kung ano ang pangarap ko.” Wika ko sa kanya bago ako mag-umpisang humakbang pababa sa
