Chapter 13
Danica Murillo
“Salamat ho, Manong, sa paghatid. Pasensya na talaga at gabing-gabi ko na kayo tinawagan para rito,” sambit ko matapos naming maipasok si Luke sa condo niya at maihiga sa kwarto niya.
“Wala ‘yon, Ma’am Danica. One call away lang naman po ako pag kailangan mo ng driver. Sige po. Mauna na po ako. Maraming salamat po,” ani ni manong at namaalam na kami sa isa’t-isa. Sinarado ko ang condo ni Luke at agad ko siyang pinuntahan sa kwarto para silipin.
Paano nga ba kami nakapasok? Halos ilang minuto ko rin hinagilap ko sa sasakyan at sa damit niya ang susi ng condo niya. Hindi rin naging madali ang pag-akyat namin sa kaniya rito. Halos matumba-tumba kami ni Manong sa elevator kanina dahil sa bigat ng lalaking ‘to. Tinulungan na nga rin kami ng isa pang staff sa lobb
