Magarbong dekorasyon at palamuti ang sumalubong kay Gadel pagkapasok na pagkapasok niya sa palasyo. Mga tauhan na mayroong kanya-kanyang ginagawa. Kumikinang sa kalinisan ang kapaligiran, iba talaga kapag pinapangalagaan ang palasyo.
Simula sa araw na ito magsisilbi siya bilang kawal ni Terra. Kibit-balikat na pumayag si Gadel kahit alam niyang kaya namang proteksyunan ni Terra ang kanyang sarili, ibig sabihin lang noon may binabalak si Terra. Kung ikakasama o ikakabuti ni Gadel iyon, hindi siya magrereklamo.
Walang imik na nakasunod lang si Gadel sa isang katulong na nag-alok sa kanyang ihatid siya kung nasaan si Prinsipe Terra.
Sa ilang minuto nila paglalakad sa mahabang koridor ng pangalawang palapag ng palasyo, nakarating din sila sa wakas kung nasaan naroroon ang prinsipe.
Naka
