Nanatili sa ilalim nang matirik na araw ang mga kawal dahil sa kanilang pag-eensayo. Kabilang na rito si Gadel na pumasok bilang kawal sa panandaliang panahon lamang.
Ito na talaga ang naiisip niyang gawin. Kung nais niya may malaman dapat malapit siya pagkukunan ng impormasyon.
Hindi pa sigurado si Gadel kung paano niya makikita ang pangatlong dragun, pero kung mapapansin niya agad ang marka nito sa katawan. Hindi siya mahihirapan.
Ang natitirang mga dragun na kailangan niyang hanapin ay ang dragun ng lupa at dragun ng tubig. Ayon sa scroll, ang mga marka ng mga dragun ang sumisimbolo sa kung ano ang elemento na itinataglay nila, isinasalin ito sa lengguwaheng latina.
Kaya naman ang taong kailangan niyang hanapin ay nagngangalang Terra na ang ibig sabihin ay lupa habang ang
