Nasapo ko na lang ang aking noo dahil sumagi na naman sa isip ko ang nangyari sa loob ng sasakyan. At ang pinakanakakahiya ay may nakakita pa sa amin.
Dalawang araw na ang nakalipas pero parang kanina lang iyon nangyari. Pilit kong itinuon ang pansin sa mga tanong pero parang hindi pumapasok sa utak ko.
"Focus," Bulong ko sa sarili habang paulit-ulit pinipindot ang hawak na ballpen.
Hanggang sa matapos ang pang-umagang klase namin ay magulo pa rin ang isipan ko.
"Coligne, kanina ka pa tulala d'yan." Sumbat ni Marie sa akin. Bumuntong hininga lang ako bago inayos ang gamit. Marahan ko syang inilingan para iparating na wala lang ito.
"Ano nga pala yung sinabi ni Ma'am Flores sa inyo ni Faustin?" Tanong sa akin ni Jona.
Inilapit pa nya ng bahagya ang mukha sa akin. Binasa ko ang labi a
