"Uuwi na ako Coligne." Paalam sa akin ni Jona.
Bakas sa mukha nya ang pagod at pagkalungkot. Tinanong ko sya kanina kung may problema ba pero marahan lang syang umiling.
"Sige mag-iingat ka." Sagot ko, ngumiti lang sya ng tipid at ibinaling ang atensyon kila Faustin, Marie at Diary.
"Hindi pa ba kayo uuwi?" Tanong nya sa tatlo.
Mabilis na tumayo si Marie habang sila Diary at Faustin naman ay nagliligpit na ng mga kalat.
"Sabay-sabay na tayo!" Sigaw ni Marie habang palapit sa amin.
Naglakad sya patungong sala para tulungan sila sa pagliligpit. Tahimik ko syang pinanuod. Agad syang napahinto sa ng makasalubong nya si kuya Kobe.
Saglit lang na dumapo ang mga mata nito kay Jona habang diretsong naglalakad palabas ng bahay.
Hindi ko napansin na kasunod nya pala si Vincent at kanina pa n
