Napabuntong-hininga ako at maya't-mayang napapakunot ang noo sa tuwing tumitingin sa akin si Vincent. Kahit na nasa libro ang atensyon ko ay nararamdaman ko parin ang pagsulyap nya sa akin.
Mag-iisang linggo na nya akong hinahatid-sundo at hindi ko alam kung paano nya napapayag si Kuya ng hindi man lang nagdududa.
Napairap ako ng bigla syang pumreno at halos masubsob ako sa dashboard. Sinamaan ko sya ng tingin pero parang wala lang sa kanya iyon. Ibinalik ko na lang ulit ang atensyon sa binabasa.
"Pwede bang mag-focus ka nalang sa pagmamaneho?" Seryosong sabi ko nang hindi man lang sya tinatapunan ng tingin.
"Hindi ka ba nahihilo? Nagbabasa ka kahit nasa byahe." Nagtatakang tanong nya kahit ang totoo ay halos hindi umuusad ang sasakyan sa sobrang traffic. Marahan kong inilipat ang pahi
