Hindi na ako muling nagtanong pa kay Vince tungkol sa pagpapapunta sa'kin ng Boss niya. Wala din naman akong nakukuhang kasagutan sa kanya.
Papunta na kami ngayon kung nasaan si Mikhael. Napansin kong hindi kami pupunta sa ikatlong palapag kung nasaan ang kwarto niya.
Nagmasid lang ako at hindi na nagtanong pa kung saan niya ako balak dalhin. Ginala ko ang paningin ko upang tandaan ang bawat dinadaanan namin.
Nakalabas kami ng mansyon. Sa likod kami dumaan hanggang makarating kami isang malawak na hardin. Laglag panga ako ng makita ang buong paligid na puno ng mga iba’t-ibang uri ng bulaklak at halaman. Sa paglibot ng mata ko, napatigil ito ng dumapo ito sa isang pamilyar na tao at sa malayo pa lang kita ko na ang lalaking gusto kong makita.
Huminto si Vince sa paglalakad kaya napahi
