Hendrix Kyro William (King)
Tiningnan ko ang aking kabuuan sa harapan ng salamin, inayos ko ang kwelyo ng aking suit at inayos ko na rin ang neck tie nito pagkatapos kong makita na ito ay hindi pantay ang pagkakalagay.
Pagkatapos kong ayusin ito ay muli kong sinuri ang aking repleksyon sa salamin, nang makita kong ayos na at handa na ay tumalikod na ako sa malaking salamin bago ko kinuha ang isang susi ng aking sports car at kinuha ko na rin si Lucky sa aking higaan upang muling iwan kay Henry.
Naglakad na ako palabas ng aking silid at isinara agad ang pinto nang ako ay makalabas na, habang dala dala si Lucky at ang aking susi ay nag tungo ako sa living room kung saan sila naroroon. Mabilis akong nakarating at napansin ko agad ang pagiging tahimik ng mga ito habang nakatutok sa telebi
