Pagkatapos ng night hike kagabi, nagkaroon kami ng event ngayong umaga para makalimutan ang nangyari. Sa totoo lang, wala naman talagang kakaiba noong gabing iyon. Gawa-gawa lang namin ni Danica ang kwento para bigyan ng tensyon ang grupo. Ang totoo, plano ko lang na masolo si Ally. Akala ko, magkakaroon ako ng pagkakataon na mailayo siya kay Elise, pero hindi ko iyon nagawa.
Habang nag-aayos kami ng mga gamit para sa event, hindi ko maiwasang mapansin na hindi naghiwalay sina Ally at Elise mula pa kagabi. Kahit saan magpunta si Ally, laging nasa tabi niya si Elise, at tuwing susubukan kong lumapit, naroon siya, lagi. Parang sinasadya nila, at ramdam kong hindi ko maipasok ang plano ko.
"Ano, Monica? Mukhang hindi umubra 'yung plano natin," bulong ni Danica habang pinapanood din ang dala
