عندما يكون العشق صوفيآ

انفصام

"إن في الحياة بعض الفترات الانتقالية لا يمكن اجتيازها دون أن يموت شيء ما في داخلك

شمس التبريزي

اكو اشياءداخلنا نعجز نعبر عنها بكلمات صعب تشكي همومك لناس اختارو الصمم.

بعد ذيج الحادثةالصارت كبر داخلي احساس خفي وتولد داخلي شخصيتين محد عرفها ولااكتشفهاغيري....

گدام الناس كنت شخص هادي مودب مايطلع صوت مطيع..

وداخلي جنون يتصارع مع بعضة تلتف مشاعر الكره والحزن والخوف وتوگف الافكار تتصارع احجي تعا،كي **ري..

بس مجنت اسوي اي شي..

من يجي وقت النوم تظل الافكار تعبني واذكر اساءة الناس الية لان مااحجي لذا افرغ جام غضبي بقضم الاظافر وتاليف الحبكات البوليسية وقوى الشر داخل عقلي ومرات ابجي اخاف داخلي جن بعدالظلام الي عشتة مااعرف جكد من الوقت ...

واصبحت طفلة هاديةبس سويت بلاوي..

وبداالكادرالتدريسي يشكي مني..

طبعا امي بعد معرفت بوضع اختي الصحي قاطعت العالم وركزت بااختي وبس وحاولت تحافظ عليها..

جان اخوية رافت هو اليسمع الشكاوي ويحاول يفهم الانقلاب داخلي ...

حتة رشاد الي جنت اخاف منه كمت بس اوصل يمة واشوفة تقرب يمي ويقنعنيي ينطيني شي اسرق انتباهة واشمر شنو يجي باايدي واحد المرات فشختة بطابوگة واجتي امه هدادة ع بيتنا

مالفت انتباهي الا الهدوء بوجه امي وهي تجاوب ميخالف طفلة متفتهم ..

واني اشوف ام رشاد تريد تدفع امي وتجرني عمود تفرغ جام غضبها علية..

بس جان فواد اخوية يدفعهةويگللهةامشي منا احسن الج ...

بس بعد الفضيحة ولمة الجوارين وينسد الباب ويبدي يضربني بس ماكان عندي احساس ولا لسان يرد احس مربوط ماتطلع الكلمات من عندي..

ظليت هيج ..وتطورت الحالة عندي جنت اخطط شون اخلي بعد اذا شافني ينهزم...

جانت بنت اخو وياي بالمدرسةوطلعت عليه لقب المخبلة...

كل الجهال ابتعدو عني

التزمت الصمت ومكان هامني ..

حتة الرحلة جنت اگعد وحدي ...

وبيوم واني راجعة ماكو رشاد..ولا مضايقاتة..

وصلت للبيت وشفتة واكف ويا اخوية فؤاد ومبين عليهم صارو اصدقاء..

خفت هواي وداخلي اريد اصرخ..

بس ظليت صافنةلحد ماصاح عليه فؤاد..

ولج.. شهد فوتي جوا..

مااتحركت ..مااعرف مصدومة بس اشوف ابتسامةرشاد..

وشكلهم ديحجون موضوع ومندمجين بي..

جرني من ايدي وسحلني جوا واني اباوع ع وجه رشاد المبتسم..

جان مار سنتين على هالحجي اني صف ثالث...

وكالعادة امي عينها بس عبير..

خصوصاانو صحتها بدت تسوء..

وكثرت مراجعاتها للاطباء واخوية محمد فص ملح وذاب محد يعرف عنا شي وسجلو ويا المفقودين..وهذا زاد الحزن بقلب امي وابوية..

حتة ابويةاطباعةتغيرت وصار عصبي ويوميةعركة ويا امي..

تصرفات فوادصارت غريبة..حسيتةكام يتقرب مني يبوسني يحضني يمكن حبيت ،كلت بداخلي احنا اخوة همين مااجة بالي ممكن بين الاخوةيصير..

بس وصلت مرحلة ...لا..خلص هذاالشي مو طبيعي..

امي دزني..تكلي كعدي اخوج..وحال مااحط ايدي يبوسها ويجرني يحظني..

وصلت مرحلة خلص صرخي وطلعي صوتج..لاتسكتين..

صرخت صرخة عالية كااااااافي...

وهو خاف...

نزلت ركض لاامي...

وهي هبطانة ..تگولي شبيج..كتلج ضربج فؤاد..

وينزل هو ويمسح عيونة وبكل ثقة يرد لاامي..هاي شبيهةهاي الغ*ية..

ام رافت: شكو شبيج ولج شسوااالج...

شهد: حضني وباسني حيل..

ام رآفت: امداج والله..والله عبالي ضاربج..

وتنشغل ..بشغل المطبخ مامهتمة واشوف نظرة التهديد بوجه فؤاد..

اني الچ..

ضليت اتهرب منة ..

لفترة..

لحد مااجة خبر لگو جثةاخوية محمد ونقلو جثمانة للنجف ..وبدت الفاتحة ع روحه

ووسط هاي الهوسة امي نست عبير وانشغلت عنها...

وظلت تلعب بالمي واني اراقبها ..الجو بارد اعرف مو زين عليها بس كان داخلي يگلي هي السبب وجودها هو الي خلةامي تنساني وابوية ميبقى بالبيت..

الاحسن تموت...

مجرد عقل طفلة ردت اسرق الاهتمام..

واحس بي..مجنت اعرف مشاعر خوف امي عاختي المريضة..

خوف من الموت..

ومجنت اعرف شنووو موت...

ورا مخلصت الفاتحة ..

اتمرضت عبير مرضتها الاخيرة لحد مااتوفت..

وراها امي دخلت بحدادطويل لحد هاي اللحظة..

صارت الايام تمضي واحس عايشة ويا اموات...

امي ..متحجي ولا كلمة.

ابوية صافن بالاخبار...

رافت اجت مواليدةوالتحق...

مرت سنة ونص وظلت علاقة رشاد بفواد وملاحقتهم..

بسبب وضع امي انتقلت بيت خالتي بكربلاء..

وارتاحيت فترة..

انتقلت بيت خالتي الجو هناك يختلف..

علياء نفس عمري ..

ومرتضى اصغر من فواد بسنة او سنتين..

وعلي اخوهم الجبير اليخوف ب٢٠سنة وديدرس كلية عسكرية هدوءة يخوف ..

ونظراتة هم ظليت هادئةوخايفة..واترقب حركةالناس الحوالية..

واسمع صوت عمي ..ها شهودة يلة تعاي..

واجاوب بالاشارة...

علي قليل الكلام بس اشوفة ع طول يقرا ..او يطلع يسبح لان النهر قريب ..

ويجي بس اسمعة يصيح ع امة ..

يووووم..الغدا....

ظليت اراقب..

لحد مااجة يوم كالي انتي ماعندج دگمة تشتغل..

ظليت صافنة بوجهة ...شنووو...

زين طلعتي تحجين..

وضحك...

شهد: اول مشفتة ضحك هربت..دائما صورة الابتسامة..بوجه اي ولد حاسة وراهة شي...

ظليت حبيسة مخاوفي..

داومت الخامس والسادس ابتدائي يمهم..

ويومية اكتشف شغلةجديدة باابن خالتي..

مرة كاعدين اني وعلياء نلعب بالطرمة وفات وشكله يخوف عصبي يمكن علياء ضحكت بس اني خفت ..

فجاة شالنا سوا وكعد يرفع وينزل بينا اليوم اطيركم بالسما ..يلا طيرووووو....

وتعالت ضحكاتنا فوك عرفت ورا فرحتة هاي هو انو فكر يزوج بنت عمي الي جتي موافقة اهلها...

يعني اكو عرس جاي بالطريق...

بنفس اليوم الي فرحت حزنت لان علي رح يلتهي بعائلتة وينسانا..

بس هو هذا مصير الاشياء الحلوة تروح بنفس السرعة الي اجت بيها..

جان عرس كلش حلو وعلي مبين فرحان بعروسته...

وراها امي من شافتني حنت الي وحبت ترجعني..للبيت..

بس كلش اضايقت يعني رح ارجع للبيت وارجع نفس المضايقات..مال فؤاد..

توسلت بخالتي ماارجع ...

بس كالتلي ذولة اهلج وامج خطية وحدهة اخوانج ثنينهم بالجيش..

نسيت انو فواد رسب بالمدرسة وجتي مواليدة..

ورافت ع وشك يخلص التكليف مالتة..

وابن خالتي من شافني هيج..كالي اذا ضجتي اجي اخذج اني..

وطمني بكلمتين..

رجعت لبيتنا واكو اشياء هواي تغيرت ..

ابوية سحب فراشةوگام ينام بالاستقبال وحجيه مايتجاوز كم كلمة..

ومن رجعت فرح هواي..وامي كذلك...

بس شنو قلب احوالهم..يمكن جفاء امي واهمالها لابوية الي حسب مااعرف هواي بنات يركضون ورا لان بعدة شكلة شاب..

وحلو..وسمةجانت مميزة بولد العائلة الطول جان طويل كلش وشكلة كلش حلو..يشبه طعمة التميمي..بوكته كلش حلوو.

وسمعت رشاد ملقين القبض علي لان م***ب طفل وحاكمي مؤبد...

يمكن هاي اكثر فرحة فرحتها..

بس انقهرت ع ذاك الطفل وشنو رح يكون مصيرة مستقبلا وهو شايل هالحمل الثقيل..

خلص رافت عسكرية..

وحسب العادات لازم يزوج بنت عمي الي اخوها خالد المفروض يخطبني..

اني فترة مراهقة داومت اول سنة بالمتوسطة وردت انسى كل الراح وابلش بداية جديدة ...

وطول فترةالخطبة جان اخوية رافت ياخذني بيت عمي وياه بناتهم بگدي...

واسرق نظرات الاعجاب بعيون ابن عمي..

حبيت روحي بذيج الفترة..واهتميت بشكلي واني اتخيل ..فارس احلامي..

خالد، طويل ومعضل ..وصوتة جهووور ..

قووووي حيل...وشخصيتة قوية ويشاقة هواي وميخلي شي الا ميذكرني ..بي وبحكم كونة ابن عمي..وخطيبي المستقبلي ..جان الاهل يشجعون نكعد ونسولف جان ثالث متوسط...

واعداديةمالتةبظهر الاعدادية مالتي..

ومن يخلص دوام يمر ياخذني يوصلني ..

ويسمعني كلام حلو..

حبيتة...وحبيت الحب ويا...

واذا واحد خطف من يمي...

نظرة...

لازم ينكتل...

اوووه..حلو هذا الاحساس..وحلو تلگى شخص..

يصير عصبي ويغار عليك..

مجرد ماطيف يمر من گدامك..

يحاسبني عالضحكة لاتضحكين ..اني اغار..

لاطلعين..اغار..

لاتحجين بفلان...

اغار..

كلها قيود من اجل الحب ولاشي غير الحب..

لكن فجاة تلگى نفسك بسجن وحتة انفاسك محكوم عليك بيهم..

وصلت مرحلة مااطلع ولااطب..

لان هو ميقبل..انعزلت عن عالمي حتة اهلي ..ومشاكلهم..ابوية قرر يزوج..

اخوية رافت دايما مشاكل ويا زوجتة ويرجعون يتصالحون صار عدهم ولد وبنية..

ظلينا سوا اني وخالد..وهو

دخل كلية..واني نجحت للرابع عام..

كلهة ثلاث اشهر بدا خالد يتغير ..واهتمامة قل..اسال عنو يگلي مشغول تعبان ..

سالت مرة اخوية ..هي هم متعرف شنو بي..

واني قررت اعوفة براحتةبعد مارجع فؤاد وهو مصوب برجلة..وهو دينظف السلاح ..جانت طلقة محشورةبالرشاشة وضربت رجلة طيرت الابهام مالتة...لذا سرحو من الجيش...

ورجع للبيت ..وهو معوق...

ورجعنا الى وضعنا الاول وتحججة علية بالطالعة والنازلة..

ماكو عندي فراغ.. حتة اسال عن خالد...

جنت اخاف من فؤاد الي فجاة قرريصير متدين ويلتزم...

وهو حتة صلاة ميصلي..

وخلاني غصب البس ربطة..

واني مااحبهة..

وبس اوصل مدرسة انزعها..

امي صحتها دهورت وحسيت كبرت هواي...

الهم كبرهة..زواج ابوية **رها...

وشفت ..تغيرت ملامح ابوية حسيت عمرة مفرح ولاحس بحياة الا لمن زوج..

بهاي الفترة تعرفت ع بنية اسمها اشجان..

وماادراك ماااشجان..صعب تكون ولد وتقاوم جمالها وجاذبيتها، اتذكر دايماتكلي الرجال لو بحضن مرتة اجيبة يركع جوةرجلي..

وفعلا شفت..

جانت شخصيتها قوية ومتخاف..وكريمة هواي اشياءبلا مااطلبها تسويهةالي حتة من جانت ترشي المدرسات وتاخذ الاسئلة تنطيني..

حجيتلها عن قصتي وهي كالتلي الي جان فؤاد يسوي تحرش..

وهي فتحت عيني على هواي سوالف حتى اجر ابن عمي الي تغير فجاةمااعرف ليش..

وبدت تعلمني اشياء چان يحمر وجهي بس اسمعها..

بس جنت مصغية وكلي فضول..

اذكر امي جانت تنتظرني انام وتمشي ع رووس اصابيعها وهي لابسة ملابس مبهرجةجوا الدشداشة.تفوت وتقفل الباب مرات اتنصت على الباب وساعات الفضول يقتلني واباوع..

ودائما اشوف رفض ابوية اذا كان حجي او نظرات زاد كرهي لشخص الرجل الي بس تحركة رغباتة وبس ..

وارجع لغرفتي واحس داخلي سواد يكبر مو گادرة اسيطر علي..

بهاي الفترة جتنا اخبار زوجة علي تمرضت وطلع عدهة ذاك المرض ورجعت هاي الغيمة السودة فوگ عائلتنا مرة ثانية...

ومااخذ منها وقت توفت زوجتة وتركت اثر سئ بحياتة ...

لحد هاي اللحظة اذكر منظرة وعيونة حمر مگدرت اعبر عن شعوري ولااواسي ..لان خالد ميقبل اتقرب لااي احد...ومن ناحية ثانية فؤاد وهوستة ...

جانت الفاتحة متعبة..

جان نظام بيت خالتي مطبخهم مفصول عن البيت..

والكل تعبان...

ونامو من وكت ...حسيت بعطش...

وامي هم وصتني اجيبلهة..

لمحني خالد...

گالي زين شفتج..

لاسالين..ولاتگولين..

شو غيرج...

شهد: اني ..الي تغيرت..لو انت...

اني كلت اعوفك ع راحتك ..

خالد: زين تعالي محتاجج بشغلة...

شهد: شنو هاي الشغلة؟

مشتاقلج...

خالد..شنو هالتصرفات..شااجاك...

انتي بحكم خطيبتي ..اريد اخذ حقي مشتاقلج..

شهد: خاااالد..دفعتة..دير بالك تلمسني...

خالد: شوووو...تعاااي...

حاول انو يغصبني ...بس الحمد لله ..اجة صوت ..علي ابن خالتي...

خااالد...شدسوي..

ماااكو..شي بس دا احاسبهة تفتر بالليل والبيت كلة ..زلم...

علي:واااضح... دير بالك تمد ايدك عليهة ..

شهد: حسيت بالاحراج والخوف والكره لنفسي..

وعفتهم ..واني اسمع علي يرزل خالد..

وراهة خلصت الفاتحةوبعد السبعة رجعنا لبيتنا...

ظل خالد زعلان ..وداخلي شي ان**ر من جهة خالد ..بس مااتخيلت انو خالد يطعني هاي الطعنة لمن يقرر يتركنيويخطب وحدة ثانية رغم رفض الاهل ويضربني ضربة هزةثقتي بنفسي وبديت مرحلة الانهيار..

للقصةبقية.....