KITTEN’s POV
Isang malalim na buntong-hininga ang aking pinakawalan nang mabasa ang pangalan ng aking kaibigang si Maureen sa screen ng aking phone. Ilang beses na akong sinusubukan nitong tawagan ngunit hindi ko sinasagot ang phone calls nito.
Para sa akin ay sapat nang alam ng aking kaibigan na nasa poder ako ng aking tunay na ama nakatira ngayon. Hindi na nito kailangan pang malaman kung saan ang lokasyon ng tirahan nito.
Hindi pa ako handang harapin ang aking kaibigan at sagutin ang mga tanong nito sa akin.
Nang huli kaming mag-usap ay sinabi ko kay Maureen na gusto ko lamang bumawi sa mga oras na nawala sa amin ng aking ama kaya naisipan kong sa bahay muna nito tumuloy. Pero matalino si Maureen kaya alam kong hindi ito naniniwala sa aking sinabi.
Kahit totoong gusto kong mas maki
