Daddy, Patikim...

KABANATA 18

MARCUS' POV

Bigla akong tumuwid ng pagkakaupo mula sa aking pagkakasandal sa sandalan ng driver seat na aking kinauupuan sa loob ng isang kotse nang makita kong lumabas na mula sa isang motel ang isang babae.

Ito ang babaeng pinapamanmanan sa akin ng lalaking nangakong magbibigay ng malaking halaga sa akin kung matatapos ko ang aking misyon.

Ang ginagamit kong kotse sa pagmamanman sa babaeng ito ay nagmula rin sa lalaking nagbigay sa akin ng misyong ito.

Noong isang araw ay natanggap ko na ang paunang bayad sa akin ng lalaki katulad ng ipinangako nito at halos manginig ang aking kamay nang mahawakan ko ang ganoong kalaking halaga ng pera.

Paunang bayad pa lamang iyon pero maaari ng maging puhunan para sa isang maliit na negosyo.

Hindi ko maipaliwanag ang sayang aking naramdaman nang mahawakan ko sa aking mga kamay ang napakalaking halaga ng paunang bayad na iyon na unang beses na nangyari sa aking buhay.

Kaya naman hindi na ako makapaghintay na matapos ko ang misyong ito para makuha ko na ang kabuuang bayad para sa akin.

Kahit paano ay natutuwa akong nakita kong muli ang taong nagbigay sa akin ng misyong ito.

Ang taong iyon na malaki ang parte sa aking nakaraan at masasabi kong isa sa mga taong aking pinagkakatiwalaan.

Nakatutuwang isiping hindi pa rin ako nakakalimutan ng lalaking iyon at ganoon pa rin kalaki ang tiwala nito sa akin para sa akin nito ipagkatiwala ang misyong ito.

Gusto ko sanang kumustahin ang lalaking iyon tungkol sa nangyari sa buhay nito matapos maghiwalay ang aming mga landas noon lalo na nga at bigatin na ito ngayon pero nagmamadali raw ito.

Kahit noong isang araw ay dalawa lamang sa mga tauhan ng lalaking iyon ang humarap sa akin para ibigay ang paunang bayad dahil sa rami raw ng ginagawa ng amo ng mga ito.

May mga sandaling gusto kong pagdudahan kung paanong nagkaroon ng ganoong kalaking yaman ang lalaking iyon pero pinairal ko ang aking tiwala rito.

Maraming taon ang pinagsamahan namin ng lalaking iyon at sa loob ng mga taong iyon ay buo ang aking tiwala rito.

Kaya siguro ganoon na lamang kadali para sa akin na tanggapin ang iniaalok na misyon ng lalaking iyon ay dahil sa laki ng aking tiwala rito kahit napakaraming taon na ang lumipas na hindi kami nagkita at nagkausap.

Agad kong kinuha mula sa loob ng camera bag ang camcorder na ibinigay din sa akin ng mga tauhan ng lalaking iyon kasama ang paunang bayad.

Marunong akong magmaneho kaya hindi na mahirap para sa akin ang imaneho ang kotseng ibinigay ng lalaking aking pinagkakatiwalaan ngunit wala akong ideya kung paano gamitin ang camcorder kaya naman kinailangan pa akong turuan ng mga tauhan ng lalaking iyon.

Hay, Marcus. Sana lang talaga ay hindi ka magkamali sa paggamit ng camcorder na ito.

Umiling pa ako rahil sa sinabing iyon ng aking isipan.

Sana nga lang talaga ay hindi ako magkamali sa paggamit ng camcorder na ito rahil kung may makukuhanan akong video ngayon na pwedeng magamit na isang magandang ebidensya ng lalaking nagbigay sa akin ng misyong ito ay baka mas maagang matapos ang aking misyon at makuha ko na ang kabuuan na bayad sa akin.

Dahan-dahang kong iniangat ang camcorder para hindi mahalata ng babaeng aking minamanmanan kahit na nga ba malayo mula sa motel ang pwesto ng kinapaparadahan ng aking ginagamit na sasakyan.

Lintik.

Bakit ako pinagpapawisan?

Ayusin mo 'to, Marcus. Hindi ka pwedeng magkamali.

Pipindutin ko lang naman ang record button ng camcorder at pagkatapos ay okay na.

Malalim akong nagbuntung-hininga para mabawasan ang kabang aking nararamdaman.

Normal lang naman siguro ang kabahan sa mga ganitong pagkakataon dahil hindi ko naman ito ginagawa sa aking pang-araw-araw na buhay.

Oo, minamanmanan ko ang aking anak na si Kitten noon mula sa malayo sa tuwing inaabangan ko itong lumabas ng mansyon ng stepfather nito para masilayan lamang ang aking anak.

Ngunit hindi ko naman kinukuhanan ng video ang aking anak kaya itong gagawin ko ngayon ay talaga namang nakakakaba lalo na at may posibilidad na mahuli ako.

Pero para sa malaking halaga na iyon ay gagawin ko kahit gaano kadelikado ito.

Ilang gabi ko nang minamanmanan ang babaeng ito sa lahat ng pinupuntahan nitong lugar ngunit ngayon ko lamang ito nakitang pumasok ng isang motel at nang lumabas ay may kasama ng lalaki.

Bilib na ako sa kakatihan ng babaeng ito kung ang lalaking kasama nitong lumabas mula sa motel ay karelasyon nito na hindi naman malabong mangyari rahil sa nakikita kong malanding ngiti sa mga labi nito ngayon habang nakikipag-usap sa lalaking kasama nito.

Oo, makating babae rahil may asawa na ang babaeng ito at itong lalaking kasama nito ngayon ay hindi naman ang mister nito.

Pero hinala ko pa lang naman na may relasyon ang babae at ang lalaking kasama nito.

Siguro ay pwede kong kuhanan ng video itong malanding pakikipagngitian ng babae sa lalaking kasama nito.

Anak ng tupa naman.

Bakit naman nanginginig ang mga daliri ko?

Akmang pipindutin ko na ang record button ng camcorder nang biglang mag-ring ang aking phone na aking ikinagulat.

Agad kong nilingon ang aking phone na nasa dashboard ng sasakyan at nakita kong tumatawag ang aking anak na si Kitten.

Muli kong nilingon ang babaeng aking minamanmanan at ganoon na lamang ang panlalaki ng aking mga mata nang makita kong nagnakaw ng isang mabilis na halik mula sa mga labi ng babae ang lalaking kasama nito.

Sa aking pagkagulat ay hindi ko na naisip pang pindutin ang record button ng camcorder.

Argh!

Bakit naman kasi ang bilis lang ng halik na iyon?

Sana man lang sinipsip ng lalaki 'yong mga labi ng babae para medyo tumagal pa at nakuhanan ko sila ng video.

Bad trip naman.

Pero 'di bale na. Hindi naman siguro ito ang huling gabing magkikita ang dalawang ito base na rin sa aking nakikitang ngitian nilang dalawa.

At least ngayon ay sigurado nang niloloko ng babaeng ito ang asawa nito.

At ang haharot, ah. Dito pa talaga nagnakawan ng halik sa lugar na maaaring may makakita sa kanilang dalawa.

Nagkibit-balikat ako.

Well, pabor naman para sa akin na hindi masyadong maingat ang dalawang ito para mas madali ko silang makuhanan ng video sa susunod na magnanakawan sila ng halik.

Napapitlag ako nang muling marinig ang pagtunog ng aking phone. Tumigil na pala sa pagtawag sa akin si Kitten kanina at ngayon ay muli na naman itong tumatawag.

Muli kong ibinaling ang aking atensyon sa babaeng aking minamanmanan at nakita kong pumasok na ito sa loob ng kotse nito.

Napataas ang aking kilay nang makita kong sumakay sa passenger seat ng kotse ng babae ang lalaking kasama nito.

Aba matindi.

Kagagaling lang sa loob ng motel, ngayon ay sa loob ng kotse naman.

Naisip kong wala akong makukuhanang video sa loob ng kotse ng babae rahil tinted iyon kaya habang naghihintay ay sinagot ko muna ang tawag ni Kitten.

Marcus: O, anak. Napatawag ka.

Sinikap kong hindi lumabas ang aking kaba sa tinig ng aking boses.

Kitten: Daddy, ilang gabi ka ng overtime sa bakeshop ng Yessa na 'yan. Masyado ka naman yata niyang pinapagod. Hindi niyo nga po agad nasagot ang aking tawag.

Napangiwi ako sa sinabing iyon ng aking anak.

Ilang gabi ko nang minamanmanan ang babaeng lumabas mula sa motel kanina at sa tuwing gagawin ko iyon ay palaging overtime sa bakeshop ang aking idinadahilan kay Kitten kung bakit late na akong makauuwi ng bahay.

Marcus: Ah, hindi naman, anak. Bagong hired lang din kasi ako sa bakeshop kaya, alam mo na, nagpapa-impress si Daddy Marcus mo sa boss niya.

Narinig kong nagbuntung-hininga si Kitten mula sa kabilang linya.

Kitten: Ang tagal na mula noong huli tayong nagkasabay na mag-dinner, Daddy. Gusto ko lang naman makasabay kumain ang Daddy ko. Lalo na ngayon na naghatid po ng ulam para sa atin si Ate Rowena.

Pagkarinig na pagkarinig ko ng pangalan ni Rowena, my loves ay biglang nagningning ang aking mga mata at sumilay ang isang malaking ngiti sa aking mga labi.

Marcus: Talaga, 'nak? Nagpunta si Rowena, my loves ngayon diyan sa unit natin?

Narinig kong malakas na tumawa si Kitten mula sa kabilang linya.

Kitten: Sabi ko na nga ba at matutuwa kayo sa sasabihin ko. Yes, Daddy. At kung hindi pa po kayo uuwi ay uubusin ko po ang lahat ng ulam.

Narinig ko pang mahinang tumawa si Kitten mula sa kabilang linya.

Kitten: Alam naman po natin na basta lutong Ate Rowena ay talagang masarap.

Muli kong nilingon ang kotse ng babaeng aking minamanmanan at ganoon na lamang ang aking pagkagulat nang makita kong wala na ito sa kinapaparadahan nito kanina.

Lintik.

Nasaan na 'yon?

Nagulat ako nang muli kong marinig ang boses ni Kitten mula sa kabilang linya.

Kitten: Daddy, nandiyan ka pa ba?

Argh!

Sayang ang pagkakataon.

Marcus: Ah, oo, anak. Nandito pa ako. Ma-marami lang ginagawa sa bakeshop.

Narinig ko ang malalim na pagbuntung-hininga ni Kitten mula sa kabilang linya.

Kitten: Sige na, Daddy. Busy ka pa yata. Mauuna na akong kumain. Ipagtatabi na lang kita ng ulam para may makain ka mamayang pag-uwi mo.

Iyon lamang at tinapos na ni Kitten ang tawag.

Gusto kong pagalitan ang aking sarili rahil nahimigan ko ang pagtatampo sa tinig ng boses ni Kitten.

Pero may misyon pa akong kailangang gawin.

Hindi ko rapat palampasin ang pagkakataong ito na maaari kong makuhanan ng video ang babaeng aking minamanmanan kasama ang isang lalaki sa isang kompromisong sitwasyon.

Marami pa namang pagkakataong maaari kaming sabay na kumain ng dinner ni Kitten.

At saka para rin naman sa akin, kay Rowena, my loves, at sa aking anak ang aking ginagawang ito.

Malaki ang maitutulong sa amin ng halagang magiging kapalit kapag naging matagumpay ang aking misyong ito.

Muli kong ibinalik sa loob ng camera bag ang camcorder at sinimulan nang buhayin ang makina ng kotse.

Hahanapin ko kung saan nagpunta ang babaeng aking minamanmanan kasama ang lalaki nito.

Talagang napakalandi ni Maxine.

Pagkatapos akong ipagpalit ni Maxine kay Glenn ay lolokohin naman nito ang pangalawang asawa ngayon kasama ang isang lalaking mukhang kasing-edad pa ng aking anak na si Kitten.

Walang kakuntentuhan sa katawan itong si Maxine.

Nakuha na ni Maxine ang pangarap nitong yumaman sa piling ni Glenn pero heto at nagtataksil na naman ito kasama ang isang lalaking mukhang si Maxine pa ang bubuhay dito.

Nakangisi akong umiling habang nagmamaneho at hinahanap kung saan na nagpunta ang kotse ng Maxine na iyon.

Oo, ang aking dating asawang si Maxine ang babaeng pinamamanmanan ng lalaking aking pinagkakatiwalaan.

Mukhang ito na ang magiging karma ni Maxine.

----------

THIRD PERSON POV

Kanina pa nagtataka si Maureen kung bakit parang hindi masaya ang kanyang boyfriend na si Martin sa ginawa niyang pagdalaw dito sa apartment unit nito ngayon.

Maureen: Ah, babe, gusto mo bang lumabas tayo ngayon? Matagal-tagal na rin mula noong huli tayong lumabas.

Naisipang dalawin ni Maureen ang kasintahang si Martin para panandaliang makalimutan ang stress na dulot ng kanyang boss.

Hanggang ngayon ay ayaw pa ring sabihin ng kaibigan ni Maureen na si Kitten kung ano ang address ng tinutuluyan nitong apartment unit ng ama nito.

Alam naman ni Maureen kung nasaan ang eksaktong lokasyon ng apartment unit ng ama ni Kitten dahil sa kanyang hired private investigator pero paniguradong magtataka si Kitten kung bigla na lang siyang bubulaga sa apartment unit ng ama nito.

Hindi pwedeng malaman ni Kitten na pina-background check ni Maureen ang ama nito rahil paniguradong magtataka ito.

Lalong hindi pwedeng malaman ni Kitten na ilang taon nang nagtatrabaho si Maureen para sa isang taong malaki ang kanyang utang-na-loob.

Maliban doon ay hindi rin alam ni Maureen ang kanyang gagawin kung sakaling muli silang magkaharap ni Marcus na siyang ama ng kanyang kaibigang si Kitten at ama rin ng kanyang anak na si Crisanto.

Martin: Lumabas? Ikaw na lang. Pagod ako galing work.

Kumunot ang noo ni Maureen nang makitang parang umismid pa si Martin habang nakahalukipkip ito.

Pero agad din namang tumingin si Martin kay Maureen at nasa mukha nito ang isang apologetic look kaya maaaring gawa lamang ng imahinasyon ni Maureen ang kanyang nakita kanina.

Martin: Sorry, babe. Pagod lang talaga ako. Next time na lang siguro.

Tumayo si Maureen mula sa pagkakaupo sa couch na nasa sala ng apartment unit ng kanyang boyfriend para sana tabihan ito nang may mapansin siya sa ilalim ng couch.

Napakunot ang noo ni Maureen nang pulutin ang isang kulay asul na telang nasa ilalim ng couch.

Tumuwid ng tayo si Maureen habang sinusuri ang telang kanyang hawak.

Nanlaki ang mga mata ni Martin nang makitang ang asul na jockstrap nito ang hawak ngayon ng kasintahan nitong si Maureen.

Iyon ang blue jockstrap na suot ni Martin nang gabing may nangyari sa kanilang dalawa ng roommate nitong si Xavier.

Sa sobrang panggigigil ni Xavier kay Martin dahil sa libog ay winarak nito ang suot na jockstrap ni Martin at inihagis na lamang kung saan.

Nawala na iyon sa isip ni Martin at ngayon nga ay hawak ng kasintahan nitong si Maureen ang winarak na asul na jockstrap na iyon.

Maureen: Babe, sa-sa iyo ba ang jockstrap na 'to?

Napalunok ng laway si Martin habang nakatingin sa mga mata ni Maureen na matiim na nakatitig dito.

Maureen: Babe?

----------

itutuloy...