DADALUHAN sana ni Charlotte si Charlene— ang kanyang dalawang taong gulang na anak—na nadapa sa bakuran ng bahay nila ngunit naunahan na siya ng kanyang asawa. Kaagad na itinayo ni Clinton ang kanilang anak at pinagpagan ang narumihang damit nito.
“I told you to be careful,” masuyong sabi nito sa kanilang anak. “Saan masakit, princess?”
Naluluhang itinuro ni Charlene ang tuhod nito. Hindi niya makita mula sa kinaroroonan niya kung may galos ito. Nakangiting hinagkan ni Clinton ang tuhod ng kanilang anak.
“Masakit pa?” masuyong tanong nito pagkatapos.
Umiling ang kanilang anak. “Hindi na po. Thank you, Daddy.” Hinagkan nito sa pisngi si Clinton.
Kinarga na ni Clinton si Charlene. “Huwag ka nang tumakbo. Kakargahin ka na lang ni Daddy para hindi ka na mahirapan. Saan ba gustong pumunta
