“HOW ARE today?”
Masuyong nginitian ni Charlotte si Nanay Eliza sa tanong nito pagkatapos niyang mag-alay ng panalangin sa puntod ng Kuya Scott niya. Mula nang malaman niya ang tungkol sa kuya niya ay madalas na siyang magtungo roon kahit medyo malayo ang ibinibiyahe niya. Lagi naman siyang ipinagmamaneho ni Clinton kapag libre ito.
Nang araw na iyon ay si Nanay Eliza ang kasama niya dahil nasa recording company ang Stray Puppies para sa brainstorming ng farewell album ng mga ito. Pagkatapos niyon ay may photo shoot ang banda para sa special issue ng isang music magazine. May press release na kasi na magdi-disband na ang Stray Puppies.
“Okay naman po, Nanay,” tugon niya. She was happy that her brother had a very good life. Isang napakabuting pamilya ang natagpuan nito. Kahit wala siya
