HINDI mabura ang ngiti sa mga labi ni Clinton kahit nakauwi na siya sa kanyang bahay. Tahimik na ang main house pagdating niya. Nagpapahinga na marahil ang mga magulang niya. Kanina, bago sila umalis ni Charlotte ay hindi nakaligtas sa kanya ang magandang ngiti ni Nanay Eliza na para bang hindi ito nagalit sa kanya dahil sa pagdadala niya kay Rina sa salu-salo.
Si Tatay Eustace mismo ang naghatid pauwi kay Rina upang maihatid niya si Charlotte. Inis na inis sa kanya ang babae ngunit wala na itong nagawa dahil mas gusto niyang makasama pa si Charlotte. Totoong hindi na sila nagkabalikan ni Rina. Nang mapalapit siya kay Charlotte, pinutol na niya ang relasyon niya rito. They remained friends, though. Minsan ay niyaya siya nitong lumabas at nagpaunlak naman siya. Amina
