Kasalukuyan
Kanina pa siya nakatitig sa salamin at naramdaman niya ang pagluha ng kanyang mga mata sa alaala ng nakaraan.
Pag-akyat niya kanina mula sa pool area, kung saan hinalikan siya ng asawa, tatlong taon na rin niyang inaasam na muling mahalikan ni Shawn at nangyari iyon kanina. At pag-akyat sa itaas, hindi niya maiwasang sariwain ang nakaraan. Kung paano siya naging Mrs. Alvarez, kung paano niya nakuha ang pangalang Mrs. Alvarez, at kung paano siya pinaalis ni Shawn sa gabi mismo ng kasal nila. Ang gabing hindi niya makakalimutan.
"Ready ka na ba?" tanong ni Shawn mula sa may pintuan.
Nagulat siya at tila noon lang siya bumalik sa kasalukuyan.
"Ah?" tanging nasabi niya at nagkatinginan sila ni Shawn mula sa salamin.
"Ah, eh," kumurap-kurap siya at tumango. "Tapos na ako," sag
