"Nasaan na iyong bisita mo?" nagtatakang tanong ni Aling Dolor. "Ipinaghanda ko pa naman siya ng sandwich at ng juice."
Hindi sumagot si Aries. Napansin ni Aling Dolor ang basa nitong nga mata.
"Umiyak ka ba, anak?" nag-aalalang tanong niya. "Sino ba iyong lalaking iyon? Ano'ng ginawa niya sa iyo?"
Umiling si Aries. "Wala, 'Nay. Katrabaho ko po iyon. May importante lang kaming pinag-usapan. Hindi ho ako umiyak. Napuwing lang ako ng alikabok kasi hinatid ko siya sa may highway," palusot niya.
Naniwala naman si Aling Dolor maski na may kaunting pagdududa sa kanyang isip.
Akala ni Aries ay mag-re-resign na si Marco sa Amadeus Designs ngunit kinabukasan ay nakita niya pa rin itong pumasok. May pagkakataong nagkasalubong ang kanilang mga mata ngunit blangko na ang tingin sa kanya ni M
