"Sa tingin ko mahal ka pa no'n," wika ni Apple kay Marco pagkatapos ng isang malalim na buntong hininga. Sinasaluhan niya ang binata sa iilang boteng beer na iniinom nito. "Kung nakakamatay ang titig, baka nakaburol na ako ngayon."
"Bakit mo kasi sinabi iyon sa kanya?" wika naman ni Marco. "Dapat hinayaan mo na lang."
"Bakit naman hindi? Effective nga, eh. Selos na selos. Parang tigre na mananakmal ano mang oras."
"I'm trying to move on. And here you are," umiiling na wika ni Marco. "Ginugulo mo ang isip ko."
"Tinutulungan lang kitang makuha mo ulit si Aries. Nakakasawa na kasing makita kang naglalasing dito gabi gabi. Nakakapagod kang ihatid sa inyo. Pinagkakamalan na tayong mag-jowa. Buti naman kung totoo eh walang kaso sa akin. Kaso hindi, eh." Umikot ang mata nito. Muli iyong nagbu
