"Diyos ko, ano'ng nangyari sa anak ko?" nag-aalalang wika ni Aling Marcia nang makitang susuraysuray su Marco habang nakaakbay at inaalalayan ng isang babaeng puno ng kolorete ang mukha at may manipis at maiksing suot.
"Relaks lang ho kayo, mother," tugon ni Apple. "Lasing lang ang anak ninyo."
"Lasing?" bulalas ni Aling Marcia. Lumapit siya sa dalawa upang tumulong sa pag-alalay sa anak.
"Oho. Nagpunta sa bar at lumaklak. Ngayon, hindi niya kinaya kaya nag magandang loob na lang akong ihatid siya rito," tugon ng dalaga. Napansin nito ang mga tingin sa kanya ni Aling Marcia. "Relaks ho ulit kayo, mother. Walang nangyari sa amin ng anak ninyo. Purong good Samaritan lamang po ako. Ang motor niya, pwede niyang kunin bukas. Ilalagay ko sa cellphone niya ang address at number ko para ikonta
