"Si Aries De Mundo ba ito?" wika ng nasa kabilang linya. Boses iyon ng babae.
"Ako nga ho," tugon ni Aries. "Bakit ho?
"Nanay ito ni Marco. Pwede ba tayong magkita bukas?" wika ni Aling Marcia.
Bumilis ang t***k ng puso ni Aries. Bakit gustong makipagkita ng ina ni Marco sa kanya? Saan nito nakuha ang kanyang numero?
"S-sige ho," tugon niya. Pagkawika niya ay ibinaba na ni Aling Marcia ang tawag. Nakatinginan si Aries at Mae.
"BAKIT, Marcia, ano naman ang gagawin mo? Makakatulong ba iyon para bumalik sa atin ang anak natin?" wika ni Mang Gilbert.
"Hindi tatalon ang anak natin sa tulay kung hindi dahil sa Aries na iyon," wika nito habang mahigpit na nakakuyom ang mga palad. "Hindi ko alam kung ano ang gagawin ko bukas kapag nagkita kami. Basta ang alam ko, kailangan ko siyang makita."
