"Ano ang nangyari, baks? Bakit ka umiiyak?" nag-aalalang wika ni Mae. Sa kanya umuwi ang kaibigan. "Sinabi ko namang huwag ka nang tumuloy roon, eh. Ano, sinaktan ka ba ng nanay ni Marco? Ano ang ginawa niya sa iyo?"
Umiling si Aries. "Wala. Ginawa niya lang ang dapat na gawin sa akin," tugon niya.
"Ano nga? Sinaktan ka ba niya?"
"Hindi. Sinabi niya lang iyong mga salitang deserve kong marinig. Sinabi niya na huwag ko nang balikan si Marco kung sakaling buhay pa siya. Sinabi niya rin sa akin na wala akong kwenta at ayaw niya sa akin para sa anak niya," tugon ni Aries.
Natahimik si Mae. Awang awa siya sa kaibigan. "Baks, magbakasyon ka na muna kaya? Mag-file ka muna ng leave. Pumunta ka muna sa malayong lugar. Mag-out of town ka or out of the country. Kailangan mo iyon ngayon. Kailanga
