Dinilat ko ang aking mga mata. Nasilaw ako sa sa liwanag ng ilaw na bumungad sa akin. Nang makapag-adjust ang aking mata ay umikot ang tingin ko sa paligid. Puti. Puro puti ang nakikita ko.
Napansin ko ang kahirapan sa paghinga dahil sa mga tubong nakapasok sa aking ilong at bibig. Hindi ko rin magawang magsalita dahil dito.
Nilibot ko ang tingin sa aking paligid. Nakakita ako ng isang matandang babae na nagbabalat ng mansanas, matapos iyon ay kinain niya ito. Humarap siya sa akin habang ngumunguya. Nanlaki ang mata niya nang makitang pinapanuod ko siya.
"Diyos ko! Gising ka na!" Agad siyang tumayo at lumabas.
Tumingala ako. Sinikap kong igalaw ang aking kamay. Iniangat ko iyon. Nakita ko ang dextrose na nakatusok sa aking braso. Napahinto ako nang may kakaiba akong naramdaman sa aking
