Nagpaalam na aalis si Claris dahil sa biglaang pagdating ng bisita ni Jake. Nang hinatid ko siya sa gate ay nakasimangot siya.
"Sino kaya ang babaeng iyon? Feel at home siya sa bahay ninyo ni Jake ah! Ang lakas ng loob na umakyat pa sa second floor." Nagkibit-balikat lang ako. Tuluyan na siyang umalis habang ako ay lutang na naglakad pabalik sa loob ng bahay. Naabutan ko si Jake at ang babae na pababa ng hagdan. Nawala ang ngiti ni Jake nang makita ako.
"So, what are your plans for tomorrow?" Naupo ako sa sala at nagfocus nalang sa TV. Gusto ko na sanang umakyat pero may nagsasabi sa akin na manatili na lamang dito at makinig sa pinag-uusapan nila. Nasa kabilang bahagi ng sofa umupo ang babae samantalang si Jake ay umupo sa tabi ko. Hindi nakatakas sa akin ang nagdududang tingin sa akin
