Naibigay ko na ang mga pasalubong ko sa kanila. Nagpahanda si Dad ng meryenda nang makita ako. Nagtatampo pa rin sa akin ang dalawa ngunit mabilis ko namang napaamo. Nasa hapag kami at kumakain. Si Jessica at Claire ay abala sa pagtingin at pagtikim sa mga dala kong pagkain.
Hindi ako mapanatag sa nakita ko kanina. Hindi ako matatahimik hangga't hindi ko naitatanong iyon. Ayoko munang mag-isip ng masama. Maaari kasing may dahilan naman kung bakit ka napapayakap sa isang tao. Saka, matagal naman na sa amin si Ate Rica kaya parang anak na rin ang turing nila Mom at Dad sa kanila.
Naunang umakyat ang dalawa kong kapatid sa kanilang kwarto pagkatapos kumain. Sinilip ko si Dad. Abala siya sa kaniyang laptop.
"Dad, bakit po pala biglaan ang uwi niyo? Saka bakit hindi kasama si Mom?" Sumulyap
