Sinilip ko ang petsa sa araw na iyon. Nakita kong papalapit na pala ang birthday ni Jake. Nasakto pa iyon sa araw ng Sabado. Nakakatuwa pa at long weekend iyon. Wala kasi kaming klase sa Biyernes next week dahil holiday sa araw na iyon.
Sa loob ng tatlong taon na pagsasama namin ni Jake ay hindi kami nakakapag-celebrate ng maayos ng birthday niya. Noong unang taon namin ay si Megan ang kasama niya dahil may event sa kumpanya sa Davao, ang sumunod ay may pasok kami. Natataon kasi lagi na final exam week namin ang birthday niya. Hindi lang ako ang abala sa pag-aaral sa oras na iyon, siya din ay abala sa paggawa ng mga exams at pagcheck ng mga papel.
Ngayong taon lang natapat na wala kaming gagawin. Ngayong week kasi ang aming finals at next week ay mag-aasikaso nalang ng mga grades at iba
