الفصل الثالث
1700 Words
الفصل الثالث
مرام : دقيقه واحده وبيكون عندك .
مرام تبعت رابط الاغنيه لمازن و تقوله بعد ما تقفل تعد تلاته ونسمع الاغنيه عشان نسمعها سوا اتفقنا .
مازن بإبتسامه : اتفقنا .
مازن بعد ومرام تعد ويفتحوا الاغنيه و يسمعوها سوا و هما مبسوطين جدا .
مرام و هي بتسمع الاغنيه تسمع زعيق تحت بين باباها و ابو مروان تقفل الاغنيه و تنزل تحت تشوف ايه اللي بيحصل .
ابو مرام : في حياتي ما شوفت سفاله كده انا مش عايز الشراكه ده حتي لو هفلس وهخسر كل حاجه .
ام مرام لابو مرام : اهدي شويه لو سمحت .
ابو مرام : انا مش موافق امشي اطلع بره .
ابو مروان : من رايي انك تفكر شويه قبل متكلم بالطريقه ده .
ام مرام لابو مرام : اه لازم تفكر شويه مش كل حاجه بتتحل بالخناق .
ابو مرام بزعيق : انا بنتي مش للبيع فاهمني انا بنتي مش للبيع .
مرام واقفه مصدومه و هي مش فاهمه حاجه .
ابو مروان لمرام : مرام مصيرهم بإيدك انتي اللي بتقرري كل حاجه .
ابو مرام : الجواز مش بالغصب ولو هي كانت موافقه كانت وافقت من زمان امشي اطلع بره .
ام مرام : احنا لسه مسألنهاش ممكن تكون موافقه .
ابو مروان لابو مرام : ديونك كلها انا اللي دفعتها عنك ولو انت مش حابب تتسجن وتخسر اكتر لازم توافق .
مرام لسه واقفه مصدومه و مش قادره تنطق بأي حاجه .
و فجأه و كلهم واقفين عمر يقع علي الارض ويغمي عليه .
مرام تصرخ : عمر !!!!!!!!
الكل يصرخ و يجروا ناحيه عمر و يجيبوا مخده و يحطوها تحت راسه و ينقلوه لاوضته عشان يرتاح و ينام .
الصبح بدري مرام في اوضه عمر و هو نايم علي رجليها وعماله عينيها تدمع .
في الصاله ابو مروان واقف مع ام مرام و بيقولها : انا مقدر الحاله اللي انتي فيها ده و زي ما انتي خايفه علي ابنك عمر انا كمان خايف علي ابني مروان وعارف هو قد ايه بيحب مرام و هيسعدها .
ام مرام : انا عارفه أن مروان هيسعد مرام جدا في حياتها و انا شيفاهم لايقين علي بعض جدا .
ابو مروان : خلاص انتي اللي بإيدك ده ممكن تحاولي تقنعي مرام عشان خاطر سعاده ولادنا .
ام مرام : خلاص ماشي انا هحاول معاها .
و يسلموا علي بعض و ابو مروان يخرج من باب الفيلا و يمشي .
كل ده و ابو مرام واقف يبص عليهم و هما بيكلموا .
مرام قاعده مع عمر و مازن يرن عليها متردش عليه عشان متدايقشي عمر و هو نايم .
الصبح ابو مرام واقف مع امها قدام الفيلا
ابو مرام لامها بزعيق : لو حاولتي انك تجبري مرام علي جوازها من روان فورا هنطلع و يقوم سايبها و ماشي و مرام تخرج هي كمان مع عمر اخوها عشان تفسحه .
مرام بعد ما روحت البيت هي و عمر ترن علي مازن .
مازن يرد عليها و يقولها : واضح انك كنتي مشغوله امبارح عشان كده مردتيش عليا .
مرام : كان عندنا مشكله صغيره كده في البيت بس اتحلت . انت بتعمل ايه ؟ ؟ ؟
مازن : انا عند ابويا في المحل بتاعه المروحه بتاعت المحل كانت بايظه وكان لازم اصلحها .
مرام : انت ابوك بيشتغل ايه ؟ ؟ ؟
مازن : ابويا فاتح محل حلاقه .
مرام : بجد فاتح محل حلاقه غريب جدا .
مازن و هو مضايق : هو مش بيشتغلها عشان هي غريبه مرام هو بيشتغلها عشان هي مهنته .
مرام : اضايقت ولا ايه .
مازن : لا عادي و يضحكوا هما الاتنين و يقفلوا عشان مازن يكمل شغله .
ميعديش دقايق و مرام ترجع ترن علي مازن تاني و تقوله : ايه رايك اعزمك النهارده علي اكل علي اليخت ! !
مازن : لا مينفعشي انا اللي لازم اعزمك .
مرام : لا انتي عزمتني كتير و أنا عمري ما عزمتك لازم و الله اعزمك النهارده يلا موافق و لا لا .
مازن : طبعا موافق هو انا اقدر اقول حاجه غير كده .
بليل مازن و مرام يتقابلوا علي اليخت و يقعدوا ياكلوا .
مرام : ايه رايك في الاكل عجبك ؟ !
مازن : اه جدا انا اكلت طبقي كله اكلك جميل وبيطير العقل .
مرام : لو نفسك اطبخ اطبخلك دايما .
مازن : اه نفسي تطبخي .
مرام : انا نفسي اطبخلك دايما بس كل مره بشوفك فيها بحس انها اخر مره هشوفك فيها انت مالك فيك حاجه ؟ ؟ ؟
مازن : لاني مرعوب .
مرام : مرعوب من ايه ؟ ؟ ؟ المفروض انا اللي اكون مرعوبه بس انا مش خايفه خالص .
مازن بيبصلها و هو مبتسم .
مرام : حبنا مستحيل يعني ممكن نعيش قصه حب بتجنن .
مازن : نقدر نعيش قصه حب بتجنن بس انا اظن انها هتكون صعبه او و و ي هو الحلم حلو بس الحقيقه الله اعلم .
مرام بضحك : اه فهمتك انت تقصد بنت غنيه و انت شاب علي قد حاله و الكلام ده بقاا بالنسبالي عادي ممكن تظبط.
مازن : تعتقدي ممكن تظبط ؟ ؟ ؟
مرام : كل حاجه ممكن تحصل طلاما بنحب بعض ليه قصتنا ده مش تكمل و بعدين مازن القصص ده مش بتكون رسمي كده مره واحده هي بتيجي فجأه .
مازن : الحاجات ده اكيد ممكن تتم بس انتي مش بإيدك حاجه و اكيد لو جالك واحد غني هتروحيله لانك متعوده علي حاجات انا مقدرشي اعملهالك .
مرام : انت مش واثق فيا .
مازن : انا لسه معرفتكيش عشان اثق فيكي .
مرام : طب يلا نتعرف علي بعض اكتر عشان تثق فيا زي ما انا بثق فيك .
مازن : انتي بجد بتثقي فيا ؟ !
مرام : ايوه بثق فيك انا مش عارفه ايه السبب بس بجد بثق فيك يمكن لانك انقذتلي حياتي أو يمكن لانك ربطت حياتي بحياتك .
مرام و مازن يبتسموا و يبصوا لبعض بصات رومانسيه . .
في فيلا مرام
ام مرام بتكلم ابو مروان
ام مرام : بس انا مش بإيدي حاجه انا مش عايزانا نوصل لكده .
ابو مروان : خلاص من بكره هروح واقدم كل الديون اللي عليكوا للشرطه و احجز علي كل ممتلكاتكوا و اسجن جوزك .
ام مرام : لا لا لا تستعجل و تعمل كده انا هحاول اقنعها. انا بوعدك والله بوعدك هعمل كده .
ابو مروان : كل يوم بيعدي ابني بيتعذب عن اللي قبله وبردك كل يوم بيعدي ديونكوا بتزيد خلصي الموضوع ده بسرعه و يقوم قافل السكه .
ام مرام قاعده في اوضتها بتعيط .
مرام و مازن لسه علي البحر و بيتمشوا عمالين يكلموا سوا و هما بيضحكوا و مبسوطين .
مرام : انت صريح ولا جرئ ؟ ؟ ؟
مازن : انا صريح .
مرام : انا بالنسبالك ايه ؟ ؟ ؟
مازن : انا معجب بيكي جدا .
مرام تبتسم و مازن كمان و يقوموا حاضنين بعض .
الصبح مازن في مكتبه و هو فاتح الكمبيوتر بيعمل شغله يلاقي رساله جياله انهم قبلوه في الشغل .
يفرح جدا و يحضن صاحبه و هو مبسوط جدا .
مازن يروح بيتهم و يقول لاهله انه قبل في الشغل و امه و ابوه و اخته عمالين يعيطوا عشان هيسافر و يقعد بره البلد .
مازن يقولهم : متقلقوش انا هكون كويس و يقوم حاضن امه .
مرام ترن علي مازن ياخد الموبايل بتاعه و يروح يكلمها في أوضته .
مازن : اهلا مرام كنت لسه هكلمك دلوقتي .
مرام : انا حابه أن انت و اخويا تتعرفوا علي بعض .
مازن : و ليه لا اكيد موافق اننا نتعرف علي بعض .
مرام : خلاص ماشي الساعه واحده نتقابل في النادي . مازن : ماشي ان شاءالله .
مرام : سلام هتوحشني لحد اما اشوفك .
مازن : وانتي كمان هتوحشيني جدا و يقوموا قافلين المكالمه و هما مبتسمين .
مرام و اخوها وصلوا النادي و قاعدين مستنين مازن لحد ما يجي .
و مازن ينزل من الاتوبيس و يقرب من دخول النادي .
و فجأه و مرام و اخوها قاعدين يلاقوا مروان داخل عليهم النادي .
مرام لاخوها و هي مصدومه : هو مش كان مسافر ايه اللي جابه ! !
عمر : مش عارف ايه اللي جابه والله ده .
عمر يقوم يسلم علي مروان و مرام تفضل قاعده .
مرام تنادي علي الجروسون و تقوله حاجه بصوت واطي .
مروان يروح يقعد معاهم و يقول : مفاجأه مش كده مرام متردتش عليه ولا كأنها سمعت حاجه .
مازن يوصل و يجي يدخل الامن يقوله : اسمك ايه ؟
يقوله : مازن انور ويروح عشان يدخل .
الامن : اسف يا فندم بس مرام هانم لغت الحجز اللي بإسمك .
مازن مصدوم و يقوله : طب شوف تاني كده يمكن فيه غلط ولا حاجه .
الامن : لا مفيش غلط و لا حاجه زي ما قولتلك كده هي لغت اسمك .
كمال مصدوم و يطلع موبايله من جيبه و يرن علي مرام تقوم قافله عليه عشان مش عارفه ترد و مروان قاعد معاها .
مروان بعد ما خد باله أن في حد بيرن علي مرام و هي مش بترد يقوم قايل : في حد انتوا كنتوا مستنينه ! !
عمر : لا احنا جينا نقعد هنا قولنا نغير جو بس . .
مازن يرن تاني علي مرام و مرام تقوم مكنسله عليه تاني .
مازن لسه واقف بره النادي و تيجي قدامه عربيه فخمه تقف قدام النادي و هو لسه واقف في جمب و مصدوم .
مروان : هناكل ايه ؟!
مرام : انا قايمه امشي لان مزاجي اتعكنن عمر خليك انت لو حابب و تقوم قايمه .
مروان يقوم وراها و يمسك ايديها و يقولها : خليكي انتي وحشاني .
مرام : بس انا مش طايقه اشوفك و تقوم سيباه و ماشيه .
تطلع بره فيطلع وراها و مازن لسه واقف بره يشوفها و لسه هيروح عندها يقوم مروان طالع وراها و حاطط ايده عليها و يقولها مرام بموت فيكي و هي مش طيقاه تقوم منزله ايده من عليها و تقوله ايه اللي انت بتعمله ده كل ده و مازن واقف متابع كل ده من بعيد .
مرام تسيب مروان و تمشي تروح تركب عربيتها بسرعه و ترن علي مازن يقوم قافل عليها و ميردش .
مازن يروح علي اليخت ومرام تروح له هناك
مرام : انت مضايق مني انت معاك حق بس انا عايزاك تعرف أن انا مليش اي علاقه باللي حصل ده يا مازن انا مكنتش عايزه احطك بالموقف ده بس اضطريت .
مازن : مرام كفايه كلام بقاا لو سمحتي لأن الموقف اللي انتي حطتيني فيه ده صعب جدا معقول ما تردي علي تليفوني و تقوليلي انك بتعتذري عن المعاد .
- Writer
