روايه مرآه الحب العمياء .

الفصل الثاني

الفصل الثاني

مازن : مرام لو فاضيه تعالي اعرفك علي ليلي ! !

مرام : لا معنديش شغل ولا حاجه انا فاضيه ليلي ساكنه فين ؟ ؟ ؟

مازن : لا انا هاجي اخدك لو جيتي لواحدك هتوهي .

مازن يهمس بصوت واطي لليلي و هو مبتسم : انتي ورطيني لازم اروح اجيبها .

يرجع يكلم مرام و يقولها : هجيب عربيه و هاجي اخدك .

مرام تقوله : لا متتعبشي نفسك انت بس قولي المكان و انا هجيب العربيه بتاعتي و هاجي علطول .

فيقولها : فاكره اول مره اتقابلنا فيها تعالي هناك وانا هاجي اقابلك .

مرام ترد بفرحه : ماشي ساعه واحده هلبس وهاجي علطول ولا اقولك نص ساعه هتكفيني وهاجي علطول .

مازن و هو مبسوط : تمام تمام انا مستنيكي .

و يقفلوا المكالمه .

مازن يروح يحضن ليلي و يقولها و هو سعيده جايه جايه ليلي تحضنه وهي كمان مبسوطه .

مرام تخلص لبس و تخرج من اوضتها و هي نازله تقابل امها ومروان .

امها : مرام انتي كويسه انتي رايحه فين ؟ ؟ ؟

مرام : اه كويسه انا عندي شغله و خارجه بشوفكم بليل .

تخرج مرام من الفيلا بتاعتها و مروان يخرج وراها و ينادي عليها و يقولها انا اسف .

مرام تقوله : مروان لو سمحت انا مش عايزه مشاكل تاني بطل مشاكل عشان تبطل تعتذر انت مش مجبور علي ده انت اللي عامل كده في نفسك .

مروان يقولها : انا جاي اد*كي التذاكر ده لحفله بليل تعالي معايا .

مرام : بعتذر انا مش هقدر اجي شوف حد تاني يجي معاك انا خارجه مع صحابي النهارده و مش هفضي اجي معاك .

مرام تلمح امها بتبص عليهم من الشباك .

تقوم ماشيه مروان يوقفها تاني و يقولها : تعالي معايا ده هديه عيد ميلادك مني .

مرام : أظن انا استلمت هديه عيد ميلادي منك امبارح انا مش هقدر اجي ممكن ممكن تاخد معاك عمر اخويا لو حابب .

و تقوم ماشيه و سيباه و راكبه عربيتها و هو لسه واقف يقوم مقطع التذاكر و راميهم علي الارض .

مرام تقابل مازن و تروح معاه عند ليلي .

ليلي : اهلا اهلا مرام نورتي بيتي .

مرام : مازن حكالي عنك جيت اتأكد بنفسي .

مازن يعرفهم علي بعض .

ليلي : اتبسطت اني شوفتك .

مرام : و انا كمان جدا .

ليلي : اتفضلوا اتفضلوا ارتاحوا فيدخلوا كلهم يقعدوا سوا في الجنينه .

ليلي : انا اتعرفت علي مازن يوم عيد الام كان قاعد يبصلي و هو م**وف كان لسه طفل كان رايح السوق يشتري لامه باميه وانا كنت هناك و كانت الباميه السبب اني اتعرف عليه و علي أمه .

مرام و هي مبتسمه : شكلك ظريف .

ليلي : ظريف جدا و قام رايح جمع ورد من علي الطريق و اداهم ليا و هو م**وف جدا و ادهوملي يوم عيد الام هديه هو اللي فتح باب التعارف وعرفني علي أهل الشارع وعلي اهله كمان وبقيت صحاب و خوات هو بجد انسان محترم و طموح جدا .

مازن : انتي اللي بتدخلي علي القلب يا ليلي شكرا جدا علي كلامك الجميل ده .

ليلي : مرام انا حاسه ان انا عرفاكي من زمان حبيبتي انتي اسمك ايه ؟ ؟ ؟

مرام : انا اسمي مرام زاهر .

ليلي : تبص و شكلها باين عليه الصدمه بعد ما مرام قالت اسمها بس متحاولشي تبين حاجه قدامهم .

مرام : انا مبسوطه اني اتعرفت علي حضرتك انتي بتفوتي علي القلب ومريحه جدا كمان صدفه جميله اني اتعرفت عليكي .

ليلي و الدموع في عينها كأنها افتكرت حاجه من ماضيها : مفيش حاجه اسمها صدفه كل حاجه في حياتنا بتحصل بسبب ، انا عامله كيكه جوه هقوم اجيبهالكوا تدوقوها .

ليلي تقوم تدخل جوه و بمجرد ما تدخل تعيط و تطلع علي اوضتها تطلع صوره لطفل وطفله و تقعد تبصلها من الواضح انها صوره قديمه او و و ي و تاخد الصوره وتطلع بره في البلكونه و تبص علي مرام و هي قاعده مع مازن و تبص للصوره و ترجع تاني تبص لمرام و تقول و عينيها لتدمع هي ده انتي انا متأكده أن ده انتي .

مازن لمرام : انا هقوم اساعد ليلي و هاجي علطول .

مرام : تحب اجي اساعدكوا انا كمان .

مازن : لا عيب ايه اللي انتي بتقوليه ده انتي ضيف*نا .

مازن يدخل لليلي و يقولها : ايه رأيك فيها ؟!

ليلي : بتاخد العقل يا مازن والله .

مازن : يحضنها وهو مبسوط جدا و يقولها : حاتي الولاعه انا هولع الشمعه .

مرام و هي قاعده في الجنينه : تجيلها رساله علي الموبايل بتاعها من عمر اخوها بيقولها انتي فين مش لاقيكي في الجامعه .

تلاقي ليلي ومروان داخلين عليها ومعاهم الكيكه وفيها الشموع وبيغنوا هابي بيرث داي يا مرام .

مرام باين في عينيها الفرحه و تضحك و هي مبسوطه جدا .

مرام تقوم عشان تمشي تسلم علي ليلي و تقولها : مبسوطه جدا اني شوفتك النهارده أن شاء الله بشوفك تاني .

ليلي : انا كنت مبسوطه اكتر أن شاء الله اشوفك مره تانيه .

ليلي تحاول انها تمشي عشان مازن يعرف يكلم مع مرام تقوم قايلالهم : موبايلي بيرن هروح ارد عليه و تقوم ماشيه .

مازن لمرام : وانا كمان مش هشوفك تاني ولا ايه ؟ !

مرام : اكيد هشوفك تاني وتمدله ايديها وتسلم عليه و تروح تركب عربيتها .

مازن واقف مع صاحبه علي اليخت بليل تجيله رساله من مرام تقوله : هف*جك علي اللوحات بكره في المعرض بتاعي يقوم شايفها و هو مبتسم و يقفل الموبايل و يعينه تاني في جيبه .

مازن الصبح يروح لمرام المعرض ويتف*ج علي صوره هناك .

و مرام من غير ما تاخد بالها متعرفشي أن اخوها واقف بيبص عليها و هي واقفه مع مازن .

مرام تليفونها يرن تلاقي مروان بيرن عليها تقوم قافله ومتردش وترجع تف*ج مازن علي اللوح تاني .

مروان يرجع يرن تاني تقوم قافله الموبايل بتاعها و تقوم لمازن : ايه رايك نطلع نتمشي شويه بره .

مازن : انتي كويسه فيه حد بيرن عليكي ردي عليه ؟

مرام : اه كويسه جدا يلا بينا نطلع بره .

مازن : يلا بينا .

مروان يرجع يرن تاني يلاقي موبايل مرام قافله موبايلها .

المفروض ان مروان في اليوم ده عنده توقيع عرض مع ابو مرام يدخل الاوضه ابو مرام يقوله الورق جاهز يا مروان بيه .

مروان : بس انا مش جاهز .

و يقوم طالع رايح علي المكتب بتاعه يقعد ي**ر في الكراسه ويرمي الورق علي الارض شبه المجنون .

في المعرض مازن يقول لمرام : مرام انتي مرتبطه بحد ؟ ؟ ؟

مرام و هي مبتسمه : لا مش مرتبطه بس فيه واحد بيضايقني بس عرفت الاقيله حل .

مازن : مش بقدر اشوف حد بيضايقك .

مرام و هي بتضحك : انت كده بقاا شبه الابطال بتوع المسلسلات .

اخو مرام واقف بيشوف كل اللي بيحصل بين مرام و مازن و مرام بردك لسه مش واخده بالها منه و لا شيفاه .

وفجأه مروان يرن علي عمر اخو مرام عايز يسأله مرام فين ومع مين ! ! !

مرام تطلع بره المعرض هي ومازن و تقوله : ايه هتعمل ايه دلوقتي ؟

مازن : انا هروح الجامعه .

مرام : هشوفك مره تانيه .

مازن : اكيد هشوفك .

مرام تقوله : يلا باي و تمشي و هي زعلانه .

مروان لسه بيزعق و ي**ر في الكراسي في المكتب بتاعه أبوه يدخل عليه و يقوله : امير فيه ايه ازااي فقدت اعصابك كده ؟ ؟ ؟

امير يقوله : انا عشقان يا بابا عشقان مرام اللي بتعاملني زي الكلب .

ابوه يقوله : خلاص نكلم معاهم في الموضوع و نخطبها عشان الموضوع يكون رسمي .

مروان و هو بيعيط : هي مش عايزاني هي بتشوفي وكأني حشره ولو جبتلها الدنيا كلها بردك مش بيعجبها بقالنا سنين كده انا عمري محبيت حد غيرها بابا اوعي تقولي بكره يجي غيرها وتنساها والكلام ده انا مش قابل حد غيرها اصلا لو جبتلي بنات الدنيا كلها مش هاخد حد غيرها يا بابا انتي فاهمني انا نفسي اجوزها بس هي مش عوزاني .

ابوه : بس انت عايزها صح .

مروان : اه مش هاخد غيرها بفكر لو هي مع حد تاني ايه اللي ممكن يحصلي بابا مرام هتكون ليا بابا ولو حد تاني خادها هقتله و ممكن اقتلها هي كمان .

ابوه يقوله : اهدي انت بس متحملشي هم حاجه وانا هحل كل حاجه جهز شنطك وروح علي لندن اقعد هناك شويه غير جو و هترجع تلاقي كل حاجه مظبوطه زي ما انت عايز بالظبط مرام هتكون ليك انت وده وعد مني هي اللي هتطلب الجواز منك وبكره تشوف .

مروان يمشي ويركب عربيته .

مرام واقفه في بلكونتها تلاقي ابو مروان جاي عندهم نروح تقول لابوها و امها .

امها تقول لابوها : هو كان واحد معاد منك انه جاي أو كده .

ابوها : لا انا معرفشي انه جاي اصلا .

الباب يخبط الشغاله تفتح الباب لابو مروان يدخل .

يقول لابو مرام : لو عندك وقت ممكن نقعد عايز احكي معاك في موضوع مهم .

يقوله : اه فاضي يلا بينا .

يروحوا يقعدوا

ابو مرام يقوله : خير فيه ايه .

ابو مروان : عايز احكي معاك في موضوع مهم .

تدخل ام مرام تقولهم : تحبوا تشربوا ايه ؟!

ابو مروان : انا مش عايز اشرب حاجه عايزك تيجي لازم تكوني حاضره الموضوع ده .

تدخل تقعد و تقوله : عايز تحكي في موضوع الشركه .

يقولها : انتوا اللي هتحددوا موضوع الشركه ده هيتم ولا لا .

يبصولوا و هما مستغربين و مش فاهمين حاجه .

مرام تروح اوضتها تلاقي مازن بيرن عليها تفرح جدا و ترد عليه .

مرام : اهلا مازن عامل ايه

مازن : انا تمام بخير

مرام : فيه حاجه ولا ايه بترن عليا يعني !!

مازن : لا مفيش قولت ارن عليكي كده اشوفك عامله ايه و اطمن عليكي .

مرام : انا تمام جدا اموري كلها بخير .

مرام : انت في شغلك ولا ايه ؟ !

مازن : اه في الشغل .

مرام : كتابك عندي من ساعه ما كنا في الاتوبيس و ووقعوا مع كتبي واتلخبطوا .

مازن : بجد عندك انا افتكرت اني ضيعته حتي من يومين اشتريت واحد جديد و روحت سلمته .

مرام : انا ممكن ادهولك بس اشوفك .

مازن : لو عايزه تسيبيه عندك سيبيه اهوه ممكن تقرأيه و اعتبريه هديه بسيطه مني ليكي .

مرام : خلاص اتفقنا موافقه اخده .

مازن : بتعملي ايه ؟ ؟ ؟

مرام : كنت بسمع موسيقي حتي ممكن اسمعك أو ابعتلك الرابط علي موبايلك تسمعه .

مرام : نسمع سوا رايك ايه !!

مازن : اه ماشي يلا بينا .