PRESENT...
"Ate..." nahinto sa pagbabalik-tanaw si Vassyleen nang marinig ang boses ng kapatid. "Kung hindi ko sana sinabi sa'yo noon ang tungkol sa naging ugnayan namin ni Nikko ay baka masayang-masaya ka na ngayon." Lalong gumaralgal ang boses nito. "I'm damned for being so insensitive. Hindi ko naramdaman noon na nasaktan ka sa naging desisyon mo dahil wala akong ibang inisip kundi ang sarili ko. Napaka-selfish ko, Ate."
Masuyo niyang hinawakan ang kamay ng kapatid. "Inaamin kong hanggang ngayon ay masakit pa rin sa tuwing naiisip ko kung paano ko nagawang mahalin ang taong nanakit sa kapatid ko. Pero mas masakit isiping tinuhog niya tayong dalawa."
Tuluyang napahagulhol si Valerie na hindi niya maintindihan kung bakit. "A-ang laki...laki ng kasalanan ko sa'yo, Ate. Nang dahil sa pag
