Daig pa ni Klyv ang binuhusan ng malamig na tubig nang makita ang taong ilang taon ding bumaliw sa kaniya.
At ngayo'y habang yakap-yakap siya nito ay isa-isang bumalik ang sakit ng nakaraan...
Kanina pa tensiyonado si Klyv sa loob ng simbahan. Ni hindi na niya halos mabilang kung nakailang punas na siya ng panyo sa mukha. Hindi naman siya literal na pinagpapawisan pero parang pakiramdaman niya ay sinisilihan siya sa kaniyang kinatatayuan.
"You look so tense, bro. Just relax, okay?" Siniko siya ng bestfriend at best man niya na si Charlie.
Hindi sumagot ang binata habang nasa entrance lang ng simbahan nakatutok ang mga mata.
Please don't do this to me, mahal. Darating ka...darating ka. Pilit na pinapakalma ni Klyv ang kaniyang sarili.
Mahal na mahal kita. Iyon ang linyang paulit-ulit
