Nahihiyang nilinga niya ang ina na nakatayo sa likod niya at may hawak na baso ng juice na para sa kanya. Iniabot nito ang baso na kinuha naman niya. Sumimsim siya ng kunti bago napatingin kay Zion at binigay dito. Sinulyapan nito ang baso pagkatapos ay bumalik ang tingin sa kanya. Iniumang muli niya ang baso dito at tinaasan ng kilay.
Atubling kinuha nito ang baso at sumimsim. Literal na nalukot ang mukha nito ng malasan ang juice. Isa sa pinaglilihian niya ay ang kalamansi na pinipiga ng kanyang ina at ginagawa nitong juice. Mas gusto pa niya ang talagang maasim kaya hindi na nakakagulat ang naging reaksiyon nito.
"Inumin mo" inginuso niya ang baso.
Tinignan ni Zion ang kanyang ina na bahagyang tumango. "Sige na hijo"
Lumunok ng ilang beses si Zion bago pikit mata at deretsong ininom
