Nagkagulo ang lahat sa loob ng bahay ng pamilyang Agoncillo dahil sa malakas na sigaw ni Evelyn.
"T-Tita! Ahhh! Manganganak na ata ako! Arayy!" sigaw niya habang nakahawak sa kaniyang malaking tiyan. Humihilab iyon ng sobra. Kasalukuyan silang nasa loob ng kusina, tumutulong siya sa pag gagayat ng gulay ng makaramdam siya ng sobrang sakit at hilab sa kaniyang tiyan.
Napatingin siya sa ibaba ng may naramdamang basa doon.
"Jusko! Sandali hija!" pasigaw na saad ng tiyahin niya at mabilis na lumapit sa kaniya at inalalayan siya. Pinaupo siya nito sa upuan at malakas na sumigaw.
"Rogelio!! Earl! Jusko manganganak na ata si Evelyn!" malakas na sigaw ng tiya niya. Nagkukumahog namang nagsilapitan sina Earl, ang tito Rogelio niya at si Amara. Hiningal ang mga ito marahil ay nagtakbuhan.
"Ih
