الفصل الثامن

1235 Words

كان فيه قدام باب البيت مكان محاوط بسور خشب على شكل دايرة كبيرة وفى كل الدايره مقاعد خشبيه عليها مراتب اسفنجية مخصصة للسهر ولو حد له رغبه فى انه يقعد يبص على جنينة البيت المنظر كان بيكون ممتع جدا صيف وشتاء ونهار وليل كمان كانت ملك قاعده سرحانه فى اللحظة اللى سونا واقفه بتراقبها وشافت خليل وهو جاي يتكلم مع ملك وكانت في قمة غيظها لكن هى عندها قدرة انها تتحكم في اعصابها وتحافظ على حقدها وغلها جواها وده بيزود سوء افكارها خليل واقف قصاد ملك اللى اتفاجئت من وجوده فى الوقت ده قدامها خليل.ملك من وقت ماوصلتى مقدرتش اتكلم معاكى لواحدنا ومقدرتش اوصفلك مدى حزنى على موت عمي جورج ملك ب اختصار.شكرا خليل.بالنسبة للكلام اللى قاله اسلام وقت مافتحنا الوصية اقصد يعنى انتى فعلا عليكي ديون كبيرة ملك اتحرجت من كلام خليل لدرجة ان وشها بقى لونه احمر ملك.لاء ابدا هو بس اسلام بيحب يبالغ شوية اكيد فيه شوية مشاكل لكن عادى يعنى سهله وبتتحل (كانت ملك بتحاول تبعد عنيها عن خليل) خليل بثقة.ملك انا اقدر اساعدك رفعت عنيها من الارض وبصيتله خليك كمل.ايا كان اللى انتى محتاجاه اقدر اساعدك ملك ب ابتسامه ورجعت وشها تانى للارض ملك.من و قت ما وصلت وكلكم كعيلة بتحاولوا تقدمولى كل انواع المساعدة شكرا جدا ليكم كلكم لكن انا اتعودت خلاص انى احل كل مشاكلى لواحدى من سنين كتير اوى يمكن اكتر من 20 سنه وبتكمل وهى بتبص لخليل.انا اتعودت على الوضع ده خليل بتردد.ملك انتى حاسة بالندم؟ ملك وعنيها فى الفراغ.تفتكر طبيعى انى محسش بالندم اكيد طبعا ندمانه الانسان بياخد قرارات وبيتصرف تصرفات ويرجع بعد كده يندم عليها ويقول ياريتنى ماعملت كده فى الوقت ده هو بس اللى بيندم لأن ده نتيجة اختياره ومينفعش يرمي المسؤليه دى على اى حد تانى يتحمل نتيجة قراره ويتألم لواحده لكن فيه ندم بقى بيكون ناس تانيه هى السبب فيه وده صعب جدا وبيبقى الالم والوجع دايما كأنه بيتجدد كل يوم بس انت مش هتفهم كلامى لأن لازم يبقى الواحد عنده قلب ومشاعر علشان يقدر يحس بكل ده خليل بحزن.انتى بتتهمينى دلوقتى ياملك؟ سونا فى شباكها واقفه تفتكر فلاش باك من 25 سنه فى نفس المكان بيتكرر المشهد قدامها قاعده ملك لابسه فستان فيروزى جميل وشعرها البنى مفرود على ضهرها وعلى وشها ابتسامة رقيقه وقدامها خليل قاعد بيلمس وشها ب ايديه الاتنين وعلى وشه ابتسامه اكبر من ملك وبنفس نظرة الغل والحقد اللى مش بتتغير كانت واقفه سونا برضه تراقبهم بااااك قامت ملك وسابت خليل واقف لواحده علشان تدهل البيت وفى نفس اللحظة دخلت سونا من شباكها وطلعت برة اوضتها دخلت على المكتب وبالنسبة لخليل فضل واقف مكانه وعنيه فى كل مكان ملك اتحركت قدامه فيه لحد ما اختفيت من قدام عنيه خبط باب المكتب وسمحت سونا بدخول اللى على الباب وكانت ملك واتفاجئت بيها سونا ملك.سونا لو سمحتى نقدر نتكلم مع بعض شوية سونا.طبعا اتفضلي اقعدى ملك.لاء مفيش داعى انا مش هاخد من وقتك كتير وبتردد اتكلمت ملك.سونا انا موافقه على العرض اللى انتى قدمتيهولى بخصوص المشتل سونا ب ابتسامه خبيثة.تمام ملك.لو تحبى نقدر نبداء فى الاجراءات فورا سونا بثقة.فاجئتينى بصراحه فكرت بكلامك فى البيت القديم انك بتفكرى فى حاجه تانيه وكان عندى شك انك هتقبلى بس عموما ايه اللى غير رأيك يعنى اشمعنى دلوقتى ملك.لاء مفيش اسباب بس كده كده البيت والمشتل خاصين ب بابا الله يرحمه واعتقد ان الاحق بيهم هو اللى عايز يستمر فيهم سونا بخبث.طيب وبالنسبة للشركة ناوية فيها على ايه على فكرة دى بتخسر من وقت طويل وهتسببلك مشاكل كتير على فكرة ملك ووبتشبك ايديها فى بعض.اه صح نسيت الشركة دى خالص اعتقد كمان اننا ممكن نبداء فى اجراءاتها هى كمان سونا بأرتياح.هو ده الصح بعينه ملك ب ابتسامه حزينة.تمام اتفقنا.تصبحى على خير سونا.وانتى من اهل الخير خرجت ملك من المكتب وسونا حسيت اخيرا ب انتصار فى نفس الجنينه وبعيد شوية عن البيت وتحت شجرة كبيرة قاعد عادل ساند ضهره على الشجرة وحاضن ب ايديه جيلان اللى نايمة على كتفه عادل.كان المفروض متتسرعيش وتروحى تقولى لأمك كان لازم تسيبي الموضوع ليا انا وكنت هحاول الاقى حل جيلان.مكنتش عارفه افكر ولا عارفه اعمل ايه وبعدين ايه الفرق انت او امى النتيجة واحدة عادل.مكانش لازم اسيبك لواحدك وابعد عن المكان جيلان.محبيتش اورطك فى مصيبة زى دى بدموع كملت.هو انا ازاى هفضل متحمله الوجع والذنب اللى جوايا ده ياعادل؟ عمي مات وبسببي قومها عادل من حضنه علشان يمسح دموعها عادل.انتى مالكيش ذنب فى حاجه احنا الاتنين مالناش ذنب ده قدر مجرد حادثة وانتى مكنتيش قصداها جيلان بدموع.كان بيحبنى هو مكانش بيقول ده بس انا عارفه انه بيحبنى هو خاف عليا بس لما شافك معايا يمكن لو كان عطالنا فرصة وسمعنا كان هيفهم لكن هو كان هيأذيك بتعيط وبتفتكر المنظر بتاع عمها وهو بيقع على الارض جيلان.شكله مش بيروح من قدام عنيا لما شيلناه ورميناه فى البحر واتف*جنا عليه وهو بيغرق واتوترت وهى بتفتكر لما كان بيرفع ايديه بيطلب المساعده وزادت دموعها بس مقدرتش تكمل عادل.جيلان دى حادثه واخدها فى حضنه بس للحظة بعدت جيلان وهى بتقول لعادل.فى صوت حد جاى وفعلا من على مسافه من ورا الاشجار كانت واقفه ام عادل وشافت جيلان وهى بتجرى من قدامه عادل شاف امه لما ابتديت تقرب عليه.ماما سحبته امه من ايديه ورجعت بيه على المطبخ وهى عماله تقول انا مش مصدقة اللى بيحصل دخلت على بيتهم الصغير اللى موجود فى الفيلا وقعدت على الكرسى وحس بيها ابنها التانى كمان وسألها في ايه لكن هى بتوجه كلامها لعادل الام.انت اتجننت صح انا مش قادرة اصدق اللى انت عملته ده انت بتحاول تقرب من هانم من هوانم البيت وكمان فى وقت زى اللى احنا فيه ده عادل.ماما انا بحب جيلان بعشقها انهارت اكتر الام.يارب استرها يارب عادل.ياماما انا بحبها الام ب عصبية وانفعال.بيقول بيحبها ياربى.انت واعي يابنى للى بتقوله سامع كلامك ده كويس عادل بيمسك ايد امه.ماما حاولي تهدي بس شوية بتسحب ايديها منه الام.انت اتجننت ياعادل هو انت بتحلم انهم هيقبلوا حاجه زى دى عادى كده عادل.استنى عليا بس لحد م اتخرج وبعدين هلاقى الحل انا وهى بنحب بعض بجد يا امي اخوه ظافرب استهزاء.انت مجنون ياعادل انت يعنى فاكر انهم هيسلموهالك فى ايد*ك علشان انت اتخرجت من الكليه الام بعصبية.عادل اوعى يعرف ابوك حاجة زى دي اوعى يسمع حرف عن الموضوع والا انا عارفه انه مش هيحصلك كويس على ايديه بدموع الام.ياعادل يابنى هنعمل ايه لو الست سونا عرفت انت فكرت هنروح فين ساعتها هترمينا فى الشارع هنعمل ايه لاء ياعادل انت مستحيل تانى تقرب من جيلان فاهم اوعى تقرب منها مرة تانيه انساها حتى المكان اللى هى فيه انت متفكرش تعدي منه هتنساها فاهم تنساها مسك ايد امه وبيبوسها عادل.ماما انا مش حابب انى اضايقك لكن انا مستحيل اسيبها او ابعد عنها انا وهى بنحب بعض بجد انهارت الام ويأس ظافر من اصرار اخوه وقرر يسيبه ويرجع سريره اسلام على سريره ماسك الاسورة بيتف*ج عليها بس لاحظ ان فيه بعض الفصوص واقعه منها فى الاوضة اللى نايمة فيها ملك وفريده كانوا قاعدين على السرير وبيتكلموا سوا وبتحكى ملك لبنتها حكايتها مع اهلها فريده.بجد يعنى معنى كلامك ان انتى وخليل بيه كنتم بتحبوا بعض ملك بهدوء.فريده انتى منين بتقوليلى احكى ومنين بتفضلى تقاطعي كلامي فريدة.اعمل ايه بس ياماما ماهو انتي من وقت م اتكلمتى وانتى عمالة ترمينى من صدمة لصدمة ها بس كملى احكيلى ايه تانى حصل ملك.بس بقى فى الوقت ده كان خليل بيشتغل هو وبابا مع بعض كان بابا ميعرفش حاجه عن علاقتنا فى يوم اتخانقت انا وخليل خناقة كبيرة وبليل كان عندى عيد ميلاد واحدة صاحبتى وكان لازم انى اروح لكن طبعا كنت مضايقه جدا بسبب المشكلة اللى حصلت بينى وبينه لدرجة انى لأول مرة اشرب ولأنها اول مرة ب بمجرد ما شربت كاسين كنت انا فى دنيا تانيه اللى يشوفنى وانا سكرانه يقول انى شربت البار كله وكان وقتها قاعد جنبى واحد من اصحابي اللى كنا قريبين من بعض فى الوقت ده بالنسبالى صديق يعنى مش اكتر

Free reading for new users

Scan code to download app

App Store Google Play

Facebookexpand_more