للأسف خليل كان مش بيحبه ابدا
كان بيكرهه كمان جدا
بغض النظر عن انه كان بيكره اى راجل قريب مني او يحاول حتى يكون قريب حتى لو على سبيل الصداقة
وفى العادى بابا كان مش بيسمح بخروجى بسهولة
لما بيسمحلى اخرج مرة او مرتين فى الشهر بتكون معجزة
ومصيبة طبعا انى ارجع البيت وانا سكرانة بالشكل ده مش بس مصيبة دى كارثة
فى اليوم ده صديقى ده كان اسمه مجدى قرر انه ياخدنى على البيت عنده وفعلا ده اللى حصل وبعد ما وصلنا اتصل على سونا وقالها انى حالتى صعبه جدا دى كانت اول مرة اكون فى الحاله دى
وطلب منها انها تتصرف فى الموضوع ده
وعلشان حظى سئ جدا بابا دخل اوضتى وعرف انى مش موجوده
راح لسونا على اعتبار انها اختى طبعا واصر انه يعرف منها مكانى فين وهى مقدرتش تنكر انها تعرف وللاسف قالتله ووصل بابا على بيت مجدى وكان بيخبط على الباب كأنه هي**ره وكان فى قمة عصبيته لدرجة ان مجدى اول ما فتح الباب بابا ض*به
