الفصل السادس

1185 Words

انجى بتقرب اوى من سيف ومش شاغله بالها بكل الموجودين ولا حتى الظرف اللي هما فيه.هو انت ليه مش عايزنى اتكلم مع اى حد سيف.بقولك يا انجي انتى تقدرى ترجعى على البيت احسن لأن واضح ان الجو مش مناسب بالنسبالك انجي.لا انا مش عايزة امشى سيف.يبقى تستحملى انك تسكتى ومتتكلميش مع حد لو سمحتى علشان مش وقت تصرفاتك (كانت فريدة من على بعد متابعه الموقف) ولاحظ سيف نظرات فريده اللى متبعاهم لكن سيف ساب انجى ومشى يكمل استضافته للناس سيف وسيم وشخصيته قوية وبيفرض حضوره على اى مكان بيكون فيه وفي الغالب هو بثقته والكاريزما بتاعته قدر يلفت انتباه فريدة بمنتهى السهولة برغم انه اصلا مش متعمد انه يعمل كده فى اوضة جيلان اللي كانت كبيرة جدا وبيظهر عليها معالم الثراء والغنا كانت چيلان فى قمة التوتر هى مطلعتش منها من وقت اللى حصل بتتكلم فى التليفون وهى منهارة مع عادل حبيبها ابن شريف اللي بيشتغل عندهم في الفيلا من سنين جيلان.انا حالتى صعبه جدا مش قادرة اتمالك اعصابى ولا عارفه حتى ارجع لوعيي تانى مش قادرة اصدق ان انا السبب فى اللى حصل ده عادل.جيلان انتى مكنتيش متعمده اللى حصل لازم تهدي مينفعش حد يلاحظ عليكي اى حاجه جيلان رايحه جاية فى الاوضة بتاعتها.امى سألتنى كتير جدا على انى كنت لواحدى ولا معايا حد بس انا انكرت ومجيبتش سيرتك نهائيا متقلقش يا عادل مش هجيب سيرتك فى اللحظة دى سمعت جيلان صوت اوكرة الباب واتفاجئت لما شافت سيف فتح الباب عليها وقع من ايديها التليفون وهى متوترة وسيف استغرب وفى نفس الوقت عادل لسه على التليفون بيسمع ايه اللى بيحصل سيف.جيلان جيلان وهى بتجيب تليفونها من الارض وباين عليها الخوف والقلق.انت ازاى تدخل عليا بالطريقة دى من غير ما تخبط سيف.حبيبتى انا خبطت على الباب قبل م ادخل ورينى كده تليفونك اتخضت جيلان ومنعته ياخد التليفون.تاخد تليفونى ليه مفيش حاجه كانت متوترة وبتقفل الخط وهى عماله تقوله مفيش حاجه سيب تليفونى سيف ب استغراب بيحاول يبعد شعرها عن وشها.جيلان مالك حبيبتى فى ايه جيلان بدموع وقلق.مفيش حاجه انا تمام كله تمام سيف مسك وشها بأيديه.جيلان مالك بصيلى فيكي ايه شكلك مش طبيعى مالك جيلان.انا مش كويسة ابدا يا سيف تعبانه اوووى سيف متخيل انها متأثرة بموت عمها.الموقف اكبر مننا كلنا الموضوع صعب علينا جيلان ب انفعال.لا مش علينا كلنا ياسيف انت مش اكتر من انك سمعت خبر وحش خلال اجازتك ورحلتك مع صحباتك اللى كل يوم مع واحده شكل فيهم لكن انا اللى هنا انا اللى عيشت كل حاجه حصلت رجعت لورا جيلان بتحاول تتمالك اعصابها جيلان.خلاص ياسيف متشغلش بالك انت اتحركت وراحت قعدت على سريرها.سيف خلينا نتكلم وقت تانى معلش انا مش قادرة اتكلم دلوقتى سيف قرب من اخته باس راسها وسابها وخرج من باب الاوضة لكن هو قلقان من حالتها قفل وراه الباب وهى بصيت على الباب علشان تتأكد انه خرج وهو طالع من اوضتها كانت سونا طالعه وشافته بخضة اتكلمت معاه.اختك جيلان اعصابها تعبانه من اللى حصل معلش بلاش تضغط عليها بالكلام لحد ما تهدا سيف.اه ما انا لاحظت ده هى طلعت زعلها عليا فعلا سونا بتحاول تضيع تركيزه مع اخته.انت ايه اللى خلاك تجيب البنت دى على هنا معاك يعنى ينفع فى يوم زى دى وهدوم زى اللى هى لابساها دى سيف.والله ياماما معرفتش ازوغ منها هى اصلا كانت معايا وقت ما بلغتينى بالخبر ولما شاف*نى مضايق محبيتش تسيبنى لواحدى سونا بقلق بتحاول تداريه بعصبيتها.اوقات كتير ببقى عارفه انك لايعتمد عليك ولا انت اد المسؤلية مش بقدر اصدق تصرفاتك سيف بيحاول يهدي امه.ماما اهدي على فكرة انا حزين على موت عمي اكتر بكتير مما تتخيلى بلاش كلامك ده فى يوم زى اللى احنا فيه كان هيسيبها وينزل للناس بس هى ندهت عليه تانى بعصبية.استنى هنا لسه مخلصتش كلامى شوف يا سيف البيت تحت مليان ناس وانا مش هسيب كل اللى احنا فيه وافضل مركزة مع الست انجي بتاعتك دى لو سمحت تمشيها وحالا خليل كان طالع على السلم فى الوقت اللى بيتناقش فيه سيف وسونا لكن سونا خلصت كلامها وسابتهم ومشيت وقبل ما يتحرك سيف كمان من مكانه خليل.انت كل تصرفاتك لاتدل ابدا على انك هتقدر تتحمل اي مسؤليه يا سيف سيف بعصبية.يلا يابابا اتفضل انت كمان ابداء فى نفس الاسطوانه خليل بصوت واطي.يعنى انت مضايق من الكلام ومش مضايق انه برغم كل الضغوط بتاعت الفترة اللى فاتت دى سيادتك مكبر دماغك تمام وسافرت تقضى اجازتك معاها لاء وكمان جايبها معاك بالمنظر ده فى ظرف زى اللى احنا فيه سيف.هو انتم سايبين موت عمي ومش شاغلكم غير الاشغال اللى متعطله وضغوطات الشغل مش معقول يعنى واتفضل يابابا يلا قول الجمله المعهوده بتاعت وانا فى سنك كنت بشتغل ليل نهار علشان اقدر اوصل للى وصلتله بس على فكرة اللى انا بعمله دلوقتى وانت معملتهوش فى سني بقيت انت بتعمله دلوقتى وبتعوض كل اللى فاتك فيه بكل الاشكال وساب سيف ابوه واقف وقرر يطلع اوضته ... راح خليل على اوضته وكانت سونا واقفه جواها ماسكة كوباية مياه وبتاخد برشام خليل.انتى كويسة؟ حاسه بدوخة ولا حاجه؟ كانت بتتمشى سونا فى الاوضة وهى بتشرب وبعدين ردت عليه بحدة.مفيش داعى لتمثيل الحنية دى عليا لمجرد اننا عندنا ظروف خليل بهدوء وبيحط ايديه في جيبه.اصل واضح عليكي انك غير التعب والارهاق انتى كمان قلقانه ومتوترة سونا بتوتر ولسه رايحه جاية فى الاوضة.اكيد طبعا ماهو انا مينفعش اقابل المفاجأة اللى عمي فاجئهالى دى بحفله مثلا خليل.فعلا بصراحه هى مفاجأة وكبيرة كمان سونا بأنفعال.يعنى انا طول السنين دى احاول اقنعه اننا بنخسر وفى الاخر يفكر نفسه انه هيسيبها على الجاهز لملك هانم خليل.سونا حبيبتى فى الاول والاخر ملك دى بنته سونا.وهو انا كنت بصرف كل الفلوس اللى صرفتها على الشركة دى علشان فى الاخر ييجى هو يطلب من بنته تسامحه ويتنازل عن شقايا السنين دى كلها على الجاهز ليها ليه وانا فلوسى دى كنت وصلتلها بسهولة علشان اقبل انها تضيع بسهولة كده بسبب جرة قلم خليل.وصلنالها ياسونا مش وصلتيلها سونا.انا كنت بشتغل ليل ونهار لحد ما عملت لشركته اسم مفيش حد فى البلد ميعرفهوش كبرتله الشركة وعملتله كيان مكانش يحلم انه يوصل للحجم ده خليل بنفس الهدؤ.عملناله كيان ياسونا لو سمحتى بقى ممكن تهدي شوية مضايقه ليه انتى كل حاجه تعتبر تحت ايد*كي اصلا عمك قرر انه يكافئ بنته الوحيدة مكافأة بسيطة تعويض عن اللى عمله فيها خلاص ايه المشكلة فى كده سونا بعصبيه وحاطه ايديها على راسها.لحظة لحظة هو انت في ايه بيخليك تدافع عن ملك يعنى وحقها رجعت تحن لزمان ولا ايه خليل بيحاول يستمر فى هدوئه.شوفى ياسونا انا ولا ملك ولا اى حد تانى فى الدنيا يهمني انا هحاول اتجاهل اسلوبك ده وابرر تصرفاتك دى على انها بسبب الحزن على وفاة عمك ولو سمحتى بلاش نضغط على بعض اكتر فى يوم زى ده سونا.صح عندك حق بلاش اتكلم عن ليلة امبارح علشان احنا فى يوم زى ده وفي ظروف متسمحش ابدا خلى بالك يا خليل مش هسمح لحد ابدا انه يستخف بيا او يقلل من شانى انا سونااا يعنى استثناء خليل ب استهزاء.طبعااا محدش يقدر ينكر ده ياسمو الملكة بعد اذنك سابها خليل وخرج وهى كانت متوترة وعماله تدعك ايديها فى بعض وبتمسك مع**ها اتفاجئت ان اسورتها مش فى ايديها بصيت لأيديها بخضة بس فعلا مش موجوده حاولت تركز افتكرت انها كانت لابساها قبل ما تجيلها جيلان وتبلغها باللى حصل ومتأكده انها لما خرجت من باب مكتبها لحد ماكانت بتجري مع جيلان في اتجاه البيت القديم اللي حصلت فيه الجريمة كانت في ايديها الاسورة سونا مكانش اللي قالقها ان الاسورة الماظ وغاليه لاء كانت مرعوبة ان الاسورة دى تكون هى دليل جريمتها وده اللي رعبها ووترها وقررت تقلب الاوضة كلها عليها على امل انها تلاقيها

Free reading for new users

Scan code to download app

App Store Google Play

Facebookexpand_more