الفصل الثالث

1583 Words

اسلام.بس انا عايز اسألك سؤال هو انتى بتحسى انك مهمة يعنى وانتى بتعملى مظاهرات علشان تلاقى بيوت للح*****ت؟ فريدة.طيب ما هو انا ممكن اقولك نصيحة اجابة على سؤالك التافه.هو ممكن انت تروح تدورلك على شغل بدل م انت لا هتعرف تعمل بيت لانسان ولا حتى لحيوان بدل م انت مش وراك غير السهر فى الشوارع اسلام.وهو انا مستنى منك انتى نصيحة علشان تقوليلى اعمل ايه ومعملش ايه يامناصرة الح*****ت فريدة.مستفز ملك.يلا يا اسلام امشى بقى هتتأخر على العميلة قبل ما يخرج اسلام وصل شخص وقف قدام الباب فؤاد.ايه ياست ملك نسيتينا ولا ايه ملك.اهلا وسهلا يا استاذ فؤاد اتفضل فؤاد.هنعمل ايه فى موضوع الايجار ياست ملك الموضوع ده طول اوى اسلام.امى كلمة المدام عندك فى البيت ملك.استنى انت يا اسلام فؤاد.مراتى مش بتهتم بالقصص دى ملك.ازاى يعنى يا استاذ فؤاد انا كلمتها واستأذنت منها تدينى بس شوية وقت لحد م اقدر اجمعلها المبلغ فؤاد.مهلة ايه تانى هو انتى مش واخده بالك ان الايجار متأخر من اربع شهور (كان فؤاد بيتكلم بتعالى وصوته عالى جدا وكأنه قاصد يسمع الجيران اللى حواليهم) اسلام.اتكلم بطريقة كويس ملك.اسلام انا بتكلم بص يا استاذ فؤاد انا ظروفى صعبه جدا بقالى فترة لو سمحت من فضلك اصبر عليا شوية انا جوزى الله يرحمه مات وهو عليه ديون وانا بحاول اسددها لأصحابها اوريلك الايصالات اللى عليه علشان تصدقنى فؤاد.انا مالى ياستى بديونك وديون جوزك انا مش اخصائى اجتماعى ملك.معلش يا استاذ فؤاد انا بستسمحك مهلة بسيطة بس وانا هدفع كل اللى عليا فؤاد.معلش مش هينفع يا اما تدفعوا الايجار يا اما تلموا حاجتكم وتسلمينى المفتاح انفعل اسلام وده كان سبب فى مشاده كلامية بينه وبين فؤاد وحاولت ملك تفضها ملك.ممكن تمشى دلوقتى يا استاذ فؤاد فؤاد.يا اما تدفعوا الايجار يا اما مشوفش وشكم تانى مشى فؤاد لكن اسلام كان فى قمة عصبيته وحاولت امه واخته انهم يساعدوه يهدا ملك.فى ايه يا اسلام من امتى ودى طريقتك انت عايز تقلد المجرمين وبتوع الشوارع اسلام.مجرمين ايه يا امى انتى مخدتيش بالك ولا ايه دول جايين يهددونا في بيتنا واقف ووراه ولاده الاتنين ال يعنى هنخاف من وجودهم ملك.يابنى لازم تتحكم فى اعصابك متخليش الناس تتف*ج علينا احنا عمرنا ما حد سمعلنا صوت فى المنطقة فريدة خلاص بقى اهدوا يلا يا اسلام روح للعميله انت اكيد اتأخرت عليها جدا مش كل يوم على نفس الحال نوصلها حاجتها متأخر رن تليفون ملك ملك.الو المتصل.,, ملك.سونا! سونا.,, ملك.حاضر هاجي قفلت ملك الخط وهى مستغربة ومصدومة فريدة.ماما.ماما ملك مش بترد فريدة.مالك ياماما فى ايه ملك داخت وحاولت بنتها تلحقها وقعدتها على كرسى فريدة.حصل ايه يا امى فى ايه ملك بحزن.بابا مات فريدة ب استغراب.ايه.ازاى اسلام.يعنى ايه مات بابا هو ابوكى اصلا كان عايش؟ ملك تايهة فلاش باك جورج بيض*ب ملك بالقلم على وشها وبيقولها بصوت عالى انا معنديش بنات انتى موتى بالنسبالى ولا عايز اعرف انك موتى ولا تيجى بيتى لو عرفتى انى مت بااااااك فى الطريق كانت ملك واسلام وفريدة رايحين لأول ولأخر مرة يشوفوا جدهم ده لو لحقوا فعلا يودعوه قبل ما يتدفن فريدة.اهاااا شوفوا مين بقى اللى بتطلب اننا منخبيش حاجة عن امنا اللى انتى خبتيه علينا مش حاجه تافهه على فكرة انا حاسة انك كدبتى علينا وخدعتينا ملك بهدوء.ممكن تهدوا شوية لو سمحتم اسلام.وانتى بقى لو سمحتى ممكن تتخلى عن هدوئك المستفز ده شوية خلاص فهمنا انك بير اسرار لكن كل حاجه لها حدود حتى الاسرار والكدب كمان اعتقد اننا محتاجين ايه السبب اللى يخليكى تخبى حاجة زى دى فريدة.متقلقش اكيد لسه فيه مفاجأت هتظهر اكتر لما نوصل هناك اسلام.اااااه ابوها كان عايش لاء ومش بس كده عنده شركة من اكبر الشركات واحنا الناس بتقف تبهدلنا فى الشارع علشان نسدد كام جنيه تفتكرى فيه مفاجات ايه تانى ممكن نلاقيها ملك بتبص لهم وهى ساكته فريدة.اهاااا عارفاها انا النظرة دى بتاعت انتم بتتكلمو كتير كده ليه معلش بقى يا امى هنعمل ايه كلامنا كتير شوية طالعين ليكى بس هو بابا كان يعرف؟ ملك هزت راسها بالنفى ابتسم اسلام باستهزاء فريدة.بجد مش قادرة اصدقك يا امى مش فهماكي اسلام كان مركز فى العربية الخاصة الغاليه جدا بالنسباله اللى جت تاخدهم من بيتهم اللى كان سايقها عادل اسلام.ان كانت دى العربية شوفى تمنها اد ايه يبقى البيت بقى عامل ازاى ولا الشركة طبعا عادل سامع كل كلامهم وملك على نفس الحال ساكتة ... عند سونا وفى اوضة بنتها جيلان كانت منفعله على بنتها لأن جيلان مش قادرة تتخطى الموقف او حتى تمثل انها قادرة تتعايش على انه محصلش سونا.ماهو انا مش هسيبك غير لما اعرف الحقيقة انطقى قوليلى كنتى بتعملى ايه هناك فى نص الليل؟ جيلان.قولتلك يا امى قولتلك الف مرة انى كنت رايحة اخد كتب من المكتبه بتاعته الله يخليكى بلاش تزوديها عليا لو سمحتى انا مش مستحمله سونا.جيلان انا اللى مش مستحمله انتى مش عارفه حجم المصيبة دى اللى انتى وقعتينا فيها قولى الصراحة انتى كان معاكى حد هناك جيلان.يا امى لاء مكانش معايا حد مكانش فيه حد غيري سونا.خلى بالك يا جيلان بحذرك لو كان معاكى حد وانتى بتحاولى تدارى عليه هيكون هو السبب فى ان نهايتنا هتكون فى السجن انتى فاهمة جيلان.لا يا امى مكانش معايا حد عايزانى اعمل ايه علشان تصدقينى اروح طيب اعترف على نفسي واخلص علشان تصدقى ان مفيش حد كان معايا سونا.وطى صوتك قولتلك صوتك ميطلعش انتى فاهمة ان لو غيرى انا وانتى اللى يعرف حاجة زى دى احنا هنعتبر انتهينا صح انتى فاهمة ده جيلان.يا امى فاهمة والله فاهمة كفاية بقى كفاية انا اصلا مشعارفه ازاى هعرف اعيش بعد اللى حصل ده سونا برفق.لاء هتعيشي لازم هتعرفى تعيشى ولازم تبانى جامدة وواثقة انتى مضطرة تمثلى ده لازم نخلى بالنا من كل تصرفاتنا انتى فاهمة انا دخلت نفسى فى المصيبة دى علشان انا مش هقدر اخسرك مش عايزة اى حاجة تبان عليكي بنته جاية فى الطريق دلوقتى ومينفعش تلاحظ علينا اى توتر جيلان.احنا قتلناه يا امى قتلناه حطيت سونا ايدها على فم بنتها.اخرسى بقى اخرسى بقولك بلاش فضايح هتودينا فى داهيه مش عايزة اسمع منك الكلام ده مرة تانيه انتى مش فاهمة اللى احنا فيه لحد دلوقتى عايزة ايه انتى عايزانا ندخل السجن اتفضلي دخلينا السجن يلا عايزانا نتفضح جيلان.يا امى لو كنتى بصيتى عليه كويس ولا خدتى بالك منه كنتى هتعرفي انه كان عايش كان لسه مماتش كان ممكن نلحقه سونا.انتى جاية دلوقتى تتهمينى انا اهدى بقى اهدي بقى وانسى ويلا قومى من السرير ده بقى واخرجى بره الاوضة متخليش الناس تحس بحاجة يلا اخرجى برة معايا ولا اقولك خلاص خليكي براحتك خليكي هنا وخلي الناس تلاحظ وتعرف كمان جيلان.لازم لازم نخلى بالنا فاهمانى لازم كانت جيلان منهارة من العياط معنى ان بنته تكون هنا ف احنا ممكن نبقى فى خطر ومش خطر سهل صدقينى عايزاكى تركزى فى اللى ممكن نخسره فى حالة ان الموضوع ده اتكشف وعلى الاساس ده اتصرفى زى ما هيناسبك انا مشهقدر اخسرك وانا وانتى وضعنا صعب لازم يا جيلان نساعد بعض لازم نقوي بعض متخليش حد يلاحظ حاجه عليكي رتبت نفسها سونا وخرجت من اوضة جيلان اللى كانت لسه بتعيط ومنهارة فلاش باك افتكرت جيلان الموقف كله وهى بتحاول تدافع عن حبيبها وتبعد عمها عنه ومنظره لما وقعته على الارض وده زود عياطها وانهيارها ... وقدام البيت الكبير وصلت العربية اللى فيها ملك واولادها واول م اتفتح الباب ونزلت ملك اتفاجئت بوجود شخص وواقف معاه شابين منهم عادل اللى لسه نازل من العربيه معاهم مسك ايديها يساعدها على انها تنزل وهو بيتكلم معاها.مش عارف اقولك حمد الله على السلامة ولا اقولك البقاء لله ملك بدهشه.شريف قربوا من بعض وحضنته ملك ب اشتياق ملك.ايه ده انت متغيرتش لسه زى م انت شريف.زى م انا ايه انتى مش واخدة بالك انا عجزت ازاى ولا ايه؟ بصى ولادى اطول مني ازاى ملك ب استغراب.هو ده ابنك؟ متعرفتش عليه اصل احنا متكلمناش مع بعض خالص فى الطريق شريف.اه عادل ابنى بيدرس هندسة وهيتخرج السنة دى ان شاء الله وده كمان ابنى ظافر ظافر.البقاء لله ملك.فريدة.واسلام اولادى شريف.ماشاء الله ماشاء الله يلا ياولاد خذوا الشنط دخلوها جوة ملك.لا احنا مش معانا شنط هى شنطة صغيرة بس وخرجت واحدة من البيت ووراها خرجت سونا اللى كانت ماشية ببطئ وكأنها كارهه انها تقابل ملك اللى ركزت مع سونا وحركتها البطيئة وابتسامتها الصفراء سونا بتصنع.فرحت انك قدرتى تيجي ربنا يصبرنا ملك اكتفيت انها تسلم عليها وتهز راسها بقبول العزاء خرج خليل من باب البيت وشاف ملك اللى واقفه على مسافه بسيطة وركز معاها وملك كمان اول ماشافته ركزت معاه لاحظت سونا تشتت نظرة ملك وقررت انها توجه نظرها للمكان اللى ملك باصة عليه علشان تشوف خليل واقف مركز مع ملك نفس تركيزها فى اللحظة دى ملك وخليل عقلهم عمل فلاش باك ملك نازلة على السلم لابسه فستان اصفر قصير وعليه جاكيت ابيض وماسكة فى ايديها شنطة صغيره فيها هدومها اللى قرر ابوها انها تخرج بيها من بيته فتحت الباب وخرجت فى وجود خليل وسونا وتحت نظرهم لكن خليل فضلت عنيه مع ملك اللى خارجة من البيت بدموعها علشان تلف راسها وتبص عليه للمرة الاخيره لكن سونا تقطع النظرات دى ب انها تقفل الباب ورا ملك وكأنها ماصدقت اخيرا انها تخرج من البيت نفس النظرة اللى ودعوا بعض بيها هى نفس النظرة اللى بيستقبلوا بعض بيها باااااك عادل عنيه على جيلان اللى واقفه فى شباكها والصدمة لسه على ملامحها وعيونها مليانه دموع سونا عنيها على خليل اللى عنيه على ملك ملك لفيت عنيها للفراغ قدامها الست اللى كانت في استقبال ملك هى جميلة اخت سونا من نفس الاب والام وكانت متربيه مع ملك في نفس البيت فبتعتبر ملك اختها واسلام وفريدة اللي اول مرة تقا**هم هما يكونوا ولاد اختها اخيرا اتكلمت وقطعت ال**ت ده يلا ندخل جوة احسن اتحركوا كلهم بس سونا كانت اخر واحدة تدخل وراهم وكأنها حابة تراقب كل تصرف ورد فعل من كل حد داخل بيتها يخص ملك او اولادها ولمح اسلام جيلان وهى واقفه بتتف*ج عليهم واول ما اخدت بالها من تركيزه معاها دخلت وصلوا عند باب البيت وكانت فريدة اول من سلم على خليل وبعدها رحب خليل بعيونه اللي مليانة كلام واحاسيس كتير بملك لكن هى سلمت ب ايديها من غير ما ترد عليه ورحب ب اسلام وكانت سونا عنيها فى عين خليل وكأنها بتتوعدله

Free reading for new users

Scan code to download app

App Store Google Play

Facebookexpand_more