الفصل الثاني

1119 Words

جيلان.اقسم لك يا ماما انى متعمدتش انى اموته والله ماكنت اقصد انا بس كنت بحاول ادافع عن نفسي من الض*ب سونا.خلاص اسكتى ياجيلان خلينى اعرف افكر متقلقيش اكيد هلاقى حل مش هسيبك تتسجنى مش هسمح ب ده ابدا بس سيبينى افكر ارجوكى عايزة اعرف هعمل ايه زادت جيلان فى العياط وهنا حضنتها سونا وهى عمالها تطبطب عليها وبتحاول تخليها تهدا ومع تركيزها فى جثة عمها اللى مرمى على الارض وعرفت انها خلاص وصلت للحل على شاطى البحر اللى قدام بيت سونا سونا.يلا يلا ياجيلان بسرعه كانت جيلان وسونا بيسحبوا الجثة بتاعت جورج على الارض ببطئ بسبب ان حجمه كان تقيل جدا عليهم مكانوش عارفين يحركوه بسهولة فضلوا يسحبوا الجثة لحد ما وصلوا على الشاطئ وبمنتهى القسوة قرروا يرموا الجثة فى البحر وفضلوا واقفين علشان يتأكدوا ان الجثه غرقت ومالهاش اثر على سطح المياه ولما اتأكدوا قررت سونا انهم يبعدوا عن المكان سونا.يلا ياجيلان يلا بسرعه كانت جيلان واقفه مصدومة من كل الموقف سونا.بقولك يلا مينفعش حد يشوفنا هنا كانو مش عارفين ان فى اللحظة دى فيه حد بيصور الواقعه دى وميعرفوش ان جريمتهم ب رمي جثة جورج فى البحر متصورة وفيه حد شاهد عليها وبقى معاه دليل كمان وللحظة الجثة رجعت طفيت على المياه مرة تانيه مش بس كده ده جورج كان بيرفع ايده للأستغاثه وده معناه ان سونا تعمدت تتخلص منه برغم ملاحظتها انه لسه عايش وده حسس سونا بالرعب والذهول وفضلت على الحال ده لمدة دقايق لحد ما قربت من البحر مرة تانية وقررت انها تدفع الجثة مرة تانية لأسفل لحد م اتأكدت انها اختفيت الجثة مرة تانيه من على سطح البحر وسحبت سونا جيلان من ايديها وقررت تبعد عن المكان ده لكن جيلان كانت كل اعصابها مشدودة وتركيزها كله كان على المكان اللى اترميت فيه جثة جورج ومصدومة انه كان لسه مماتش ولسه بيحاول يستغيث ومرعوبة من تصرف امها من اصرارها على انها تتخلص من جورج برغم علمها بأنها كان ممكن تنقذه سونا قررت ترجع لجيلان تركيزها علشان كده ض*بتها بالقلم لكن صعبت عليها جيلان اللى كانت منهارة من صعوبة الموقف ودهخلاها تقعد جنبها على الارض بعد مافقدت توازانها جيلان واخدتها فى حضنها ومعرفتش تمسك دموعها ولا تمنعها من النزول فى مكان تانى خالص ملك بهدوء ملامحها وطبيعتها الهادية وبيتها المتواضع المنسق واقفة فى المطبخ وبتجهز نوع من انواع الفطائر اللى هى متميزة فيه وكانت بتجهزه وعلى ملامحها كل تعبيرات الحب لكن ده مكانش بيجهز ليها او لبيتها ده كان اوردر خاص بشغلها ... فى الشارع شاب واقف على مسافة وبيشاور لبنت جميلة سمراء صاحبة شعر اسود وعيون بنية قربت عنده وابتدا يتكلم معاها الشاب.مش هينفع تاخدى اذن النهاردة نص يوم البنت.ليه؟ ناوى تعزمنى على الغدا مثلا؟ الشاب.لاء مش لدرجة الغدا بس كنا اتمشينا شوية ولا نروح ندخل السنيما اى حاجة كده البنت.ايه ده هتضيع مصروفك عليا علشان تخرجنى .لا انا مقبلش الصراحة الشاب.معلش حاولى تستحملى ظروفى شوية لأنى لو ابتديت اصرف زى م انتى عايزة يبقى مش هنعرف نوصل لأى حاجة فى الوقت ده خرجت ملك من بيتها اللى كان بيتكون من دور واحد ارضى وقدامه مدخل مليان ورود جميله وقفت فى مدخل البيت واتلفتت حواليها وشافت الشاب اللى واقف مع البنت ملك.اسلام الاوردر جاهز البنت كانت بتبص لملك بطريقة مش حلوة خالص وده احرج ملك اللى دخلت علطول بعد ما بلغت اسلام ان الاوردر جاهز اسلام.فى ايه يابنتى مالك انتى ليه واخده موقف بالشكل ده هى عملتلك ايه يعنى البنت.انت بتسألنى انا فى ايه هو انت مش واخد بالك من اللى انت فيه يا اسلام انت اطردت من الجامعه وفشلت حتى ان انت تلاقى شغل كويس فهمنى انت هتفضل لحد امتى بتشتغل فى توصيل الطلبات للست والدتك؟ وهقول ايه بقى لأهلى فى البيت. اروح اقولهم هو بصراحة بيحبنى وعايز يتجوزنى لكن مفيش حيلته حاجة خالص ولا شغل ولا بيت ولا فلوس ولا اى حاجة غير الطلبات اللى بيروح يوصلها لأمه اسلام.اعتقد مكانش فيه داعى لكل الكلام اللى انتى قولتيه ده اعتقد الاهانه والتقليل مني ومن امى مش الحاجة اللى تتباهى ب انك تزوديها وتكرريها لمجرد انك تورينى ان انتى عايزة علاقتنا تبقى جادة انا مش هقبل الاسلوب ده على فكرة البنت.عيد ميلادى بكرة اسلام.فعلا كل سنة وانتى طيبة ومتقلقيش اعتقد ان الفلوس اللى معايا هتكفى انى اشتري بوكيه الورد اللى انتى نفسك فيه سابها اسلام ومشى لكن هى رده معجبهاش واستقليت جدا بفكرة الورد اللى هو ممكن يصرف فيها كل الفلوس اللى فى جيبها علشان بس يقدملها هدية بسيطة يمكن تعجبها رجع اسلام البيت عند امه اللى كانت عامله فى مدخله عدد قليل جدا من الترابيزات بتستضيف فيه عدد بسيط جدا من الزباين اللى ساكنين فى المنطقة لما بيحبوا ياكلوا فطائر من عندها ملك.اسلام هو مش انا قولتلك بلاش تتعامل مع البنت دى مرة تانيه؟ اسلام.ماما مفيش داعى للكلم ده من فضلك اعتقد انى مبقيتش صغير علشان تطلبى مني اتعامل مع مين ومتعاملش مع مين ملك.اسلام انت عارف اهلها وسمعتهم دول ناس بتوع مشاكل وتصرفاتهم كلها مشبوهة واعتقد انك مش هتحب تورط نفسك معاهم فى الحاجات دى اسلام.مش عارف ياماما بتتكلمى وبكلامك محسسانى انى قولتلك يلا تعالى معايا نروح نطلب ايديها مثلا ملك.لاء ما هو ده مستحيل يحصل يلا خد الاوردر وصله اخد من ايديها اسلم الشنطة اللى فيها الطلب لكن لفت انتباههم خبر فى التليفزيون ملك.اسلام على صوت التليفزيون كانت عبارة عن مظاهرات ومعارضات ملك.فين اللى بيحصل ده؟ اسلام.مش عارف احنا مشوفناش الخبر من البداية ملك.بس انا عارفه المكان ده انا بس ناسية اسمه مش ده عند الميدان؟ اسلام.اه تقريبا هو فعلا ملك.اختك فين اعتقد انى عارفة مكانها هى كان واضح عليها من وقت ماخرجت من البيت من غير ماتورينى نفسها اسلام.واضح عليها.طيب اعتقد انا بقى اننا هنروح نلف وراها فى امن الدولة من اول وجديد مسكت الام التليفون وبتجرب تتصل ببنتها فريدة ملك.استنى يا اسلام دقيقتين بس ترد اختك الاول وبعدين اخرج اسلام.مش هترد هى اصلا انا عارف بس براحتك خليكي وراها وقدام بيت ملك وصلت فريدة وهى راكبة ورا واحد زميلها على موتوسيكل الخاص بيه وماسكة فى ايديها يافطة من اليافطات اللى بيكتبوا عليها الجمل التظاهرية خرجت ملك واسلام اول ما سمعوا صوت الموتوسيكل قدام المكان بتاعهم (بيت ومطعم فى نفس الوقت) ملك.ادخلى يافريدة (فريدة بنت بشرتها سمراء شعرها ناعم اسود قصر وعنيها كمان سودة جمالها عربي مثير) دخلت فريدة البيت وعلى وشها ابتسامة هادية ملك.ها بقى ياست فريدة ايه اللى انتى عاملاه ده انتى ليه يابنتى بتعملى فيا كده حرام عليكي فريدة.فى ايه بس يا امى م انا جيت اهو بالسلامة وواقفة قدامك زى الفل ملك.يعنى ايه جيتى يافريدة؟ هو انتى مينفعش تسمعى ان فيه مظاهرة وتكونى مش موجودة فيها؟ يابنتى انا تعبت من الجرى وراكى فى الاقسام وامن الدولة انتى فى مرة من المرات هتدخلى ومش هتعرفى تخرجى مرة تانية ولا تشوفى الشمس حتى فريدة.خلاص بقى ياماما محصلش حاجة انا بقيت لما بحس ب اى قلق بهرب بسرعه ومحدش بياخد باله مني واهو انا واقفة قدامك بشحمى ولحمى اسلام.بقولك يافريدة هو انتى ليه متهربيش وتروحى تعيشى فى الادغال انا بحس دايما ان انتى شبه الاماكن الغريبة دى فريدة.ماهو انا مينفعش ارد على واحد بيفكر بال*قلية المستفزة بتاعتك دى ملك.جرى ايه انتم هتتخانقوا قدامى بقى ولا ايه خلاص كفايه مناكفة

Free reading for new users

Scan code to download app

App Store Google Play

Facebookexpand_more