“SAYANG naman at hindi nakapunta si Terrence ngayong huling practice natin ng play.” Lumapit sa kinauupuan ko si Gia, isa sa mga kasama ko sa play.
“Oo nga. Tinuloy na kasi ng coach nila ang victory celebration nila,” sagot ko habang nag-liligpit ng costume na ginamit. “Bukas pa raw ang uwi nila dahil overnight ang swimming nila sa Highland Bali.” Tukoy ko sa isang sikat na resort dito sa aming probinsya na dalawang oras ang biyahe mula sa San Sebastian.
“Sabagay perfect na nga ang performance niyong dalawa. Kinikilig nga ako sa inyo. Bakit kasi hindi niyo na lang totohanin?” ngiting-ngiti nitong tukso sa akin.
Tipid lang akong ngumiti at hindi na kumibo pa. Wala pa akong pinagsasabihan na nobyo ko na si Terrene. I just don’t feel like telling anyone about it. Pero natitiyak ko naman
